鴛鴦奶茶 (匯貿中心) (匯貿中心)

Open Now

Now Closed

星期六早上，去到餐廳，見仲未到11:30 ，仲有早餐嗌，於是問吓收銀：係咪仲有早餐？點知收銀個阿姐，非常唔好老脾咁樣答：你話有咪有囉！咁明明餐牌仲寫住有，又未夠時間，問多句啫，使唔使咁嘅聲氣答啲客人呢？於是就點餐啦，阿姐又好勞氣咁響度催促。我哋都知早餐時段就快過，唔知阿姐係咪趕住落場，所以冇乜耐性？其實你可以好聲好氣，解釋吓，唔使用啲咁趕客嘅態度嘅……跟住去到攞餐，啲阿姐又係唔願做咁款。可以睇吓圖中嘅早餐，佢哋將兜通粉放到喺側邊，一拎起就差啲反。如果可以細心啲，將啲重嘅嘢，容易反嘅嘢，放返中間啲，會唔會可以避免一啲不必要嘅意外？食物都OK嘅，價錢亦合理，但係啲員工工作態度就真係…… 其實車站旁邊大把選擇，專登行過嚟幫襯你，仲要咁嘅態度，真係唔好怪冇生意。