Hello Kitty 中菜軒 (Closed)

身為喵迷o既契妹其實早就想一試「Hello Kitty中菜軒」，無奈家人好友唔係嫌要排隊，就係嫌餐店太過「Hello Kitty」。佢真係好彩，家中表姐原來同屬吉蒂粉絲，是次訪港之旅更有意過海朝聖，二人週一晚就捉咗XO仔同哥哥陪伴，一齊去食吉蒂晚餐。「Hello Kitty中菜軒」大堂中央有個身穿旗袍，手持蒸包o既Hello Kitty，旁邊擺放著可供食客購買o既Hello Kitty公仔。廳內o既餐桌椅櫈全為木造，配上牆身Hello Kitty系列o既屏風、國畫及頭頂上o既燈籠式吊燈，每一個角落都散發著中國色彩。餐枱上有個大大o既Hello Kitty嘜頭。碗筷茶壺上都一樣熨有Hello Kitty個金模。就連濕紙巾個包裝都係特別印出，真係夠哂全面。店子以其吉蒂造型點心及飯品聞名，所有項目午市、晚市都一樣有得食；附帶彩色插圖o既餐牌合共有三頁。因點選「魚翅撈飯」可免費獲贈限量版徽章，四人就決定先點一客。然後再加多三款賣相吸引o既點心及網評推介o既小食拼盤。魚翅撈飯（$158）：以熱鍋滾住上o既係素翅。師傅喺白飯面加上不同顏色形狀o既蔬菜即砌成Hello Kitty個靚樣，簡潔非常。除