麵館皇

Open Now

Now Closed

銅鑼灣條街都食得算多，今次就試吓啲地道啲嘅，所以揀咗呢一間麵館皇。佢哋叫餐嘅組合都幾自家製，真係可以配唔同嘅拌麵湯麵再配唔同嘅餸，而且麵底都可以揀，種類選擇都算多。藤椒麻醬拌麵配柱候牛腩($75): 面底轉咗做刀削麵，自己睇住廚房嗰個細窗口，見到師傅真係用一大舊麵團逐片逐片整出嚟，而家喺香港好似比較少見。滕朝麻將前者嘅味道比較出，所以都偏辣辣地嘅，刀削麵煮得煙人，都幾過到口人。柱候牛腩有青瓜墊底，略嫌牛腩有少少細舊。藥膳自家製米粉配香酥炸雞扒($75): 叫左一啲完全唔同嘅嘢，藥膳再配自家製米粉，米粉比出邊食開嘅福字米粉厚身，而且較煙靭，藥膳湯底藥膳味不太突出。本身滿心期待嘅香酥炸雞扒上菜嘅時候變咗炸雞件，同樣都係有青瓜墊底。好彩炸雞件都係新鮮即炸，而且都好入味，有補救返。額外叫多咗呢個太子雞翼五隻($36)純粹見到隔籬枱食覺得好靚仔，真係完全做到酥炸嘅感覺，如果鍾意食炸嘢嘅朋友一定唔可以錯過，食落去仲有肉汁標出來新鮮熱辣辣!總結：我諗呢一度嘅選擇，真係可以自己diy揀鍾意食嘅嘢，下次可以再試吓唔同嘅配搭。呢一款港式撈麵其實都幾新鮮。