生記飯店 (Moved) New Location

灣仔樓上鋪生記飯店生記飯店係樓上鋪，同街鋪餐廳比起黎人流少得多，食晏時間顯得有啲冷清。我點左一個乾炒三絲瀨粉。味道講唔上令人驚豔，但係用料方面就比一般茶記用心得多。首先，佢用既油比較少，食落冇咁肥膩。食完兜底唔會成兜油浪黎浪去。其次係佢用料好足，裡面有齊叉燒絲，雞絲同紅腸絲三種肉類，唔似得某啲餐廳咁用芽菜同蔥再加埋火腿絲就當係三絲。再加上佢嘅瀨粉炒得乾爽，軟硬適中，整體黎講幾唔錯。