善膳軒

Open Now

Now Closed

呢間位於大角咀頌賢花園的東華三院社企餐廳善膳軒，位置毫不起眼，只道它的存在是因為有一晚經過行去西鐵南昌站搭車，畀佢地既舒適環境加上支持社企吸引而試下用餐。餐廳晚餐只有碟頭飯及小菜套餐選擇，而當晚我就選擇豉汁蒸排骨套餐，$43有中湯、熱飲、白飯及小菜一碟，價錢OK，豉汁蒸排骨好足料， 排骨多到食完整碗白飯都有餘，而且沒有鬆肉粉醃制，整碟菜味道平均，不太鹹及甜，而且多汁，餸白飯一流。中湯味道濃郁，整個套餐有住家感覺。奶茶略為苦澀，只覺非常普通。如果將肉類減少，不用加$8有一碟油菜，感覺更為抵食。之後上網尋找餐廳資料，原來該社企餐廳賣點是幫助弱勢社群，提供$10健康有營的熱食套餐。但餐廳推行健康餐感覺不給力，只係烹調方法健康點(無味精及少油少鹽)。覺得該社企餐廳賣點除了幫助弱勢社群提供健康有營膳食外，更可以推廣多點多菜小肉套餐給市民大眾(香港人飲食以多肉少菜為主)，這樣給人感覺定位更為清晰(惠澤社群健康有營餐館)。