泰潮 (Closed)

途經深水埗撞到個朋友，無端端就一齊食。咁佢一口就話食呢間因為唔使等位⋯心諗大件事，會唔會好難食。去到見到海南雞係招牌，咁就穩陣地叫咗個海南雞飯配油飯套餐嚟嘅，套餐包普通飲品、例湯、青瓜粒。見到芝士蝦丸又想叫＄40得兩粒⋯⋯之後見到豬手飯有餐就係咁我叫埋豬手飯。好似無菜，雖然佢個餐有個青瓜粒，但係都係要多碟馬拉盞炒雜菜。先講雜菜味道正常，都多菜大碟嘅。送嗰個青瓜粒呢就豉油碟上，落咗啲撈檬粉嘅酸汁。海南雞飯啲雞起咗骨，除左隻雞翼，雞嘅份量都多。啲雞皮好嫩滑，雞肉唔鞋。啲油飯就差啲，飯本身應該唔係油粘米，一粒粒爆開晒既，所以飯鞋口又無雞油香只得黃色。豬手飯個飯都係呢個油飯，但係個豬手就比較出色，嗰啲豬手皮好滑滑呢～估唔到啲豬肉好冧唔鞋，同埋好大個獻汁，有一啲酸菜粒喺碟邊。到＄20一粒嘅芝士蝦丸係爆漿芝士。芝士呢就多嘅但係就冇乜鹹香，蝦膠正常（都係來貨架啦）＄20一粒實在太貴。飲品加錢叫左龍眼冰杯，同有龍眼水熱飲嘅，正正常常有幾粒龍眼乾咁，龍眼水味道唔濃得個甜。咁樣食都要三百🙄雖然唔使我俾⋯⋯