Corner 90

Open Now

Now Closed

觀塘區好野食的確唔少，自己幾鍾意食印度野，但呢區的確唔多，今日搵到一間去試，發覺幾好，有種喜出望外的感覺。呢間餐廳地點有點僻，裝修簡潔，地方算幾闊倘，望落感覺乾淨，而且坐得舒服。食物黎講都有不少選擇，佢個lunch buffet 都有幾多野食，蕃茄咖喱雞，烤薄餅，煙肉，沙律，蔬菜，烤雞，咖喱魚，菠菜芝士，咖喱扁豆，印度香飯等。香飯軟硬適中，唔會好乾身，幾好食，另外咖喱好入味，配上魚、扁豆、雞都好好味。烤餅就好軟熟，唔會好硬，又幾香。加上有些沙律、蔬菜選擇，唔會淨係得肉，食落無咁滯，成個buffet呢個價能夠食到呢個水準的印度菜，算係有驚喜!