莉苑 (Des Voeux Road West) (Closed)

呢間嘢真係平靚正，佢啲嘢真係大大份好似唔駛錢咁。最重要係佢以一個咁平嘅價錢，做出嚟嘅食物都唔差。佢係平民美食界嘅天使💪🏻前幾日同朋友嚟食，特登帶我嚟食一間佢話歷史悠久嘅西環美食，我朋友今年都30歲，佢話由細食到大，我估佢都起碼有30年歷史。佢個環境好一般，就係好耐年前普普通通嘅平民上海餐廳。我叫咗一份碗仔翅同埋兩份鍋貼同我朋友share，鍋貼皮厚度適中，唔太薄亦都唔太厚，包着豬肉嘅肉汁，味道鮮甜，佢嘅豬肉餡好多，真係不計成本。另外佢嘅碗仔翅都好出色，可能喺香港已經好難搵到好食嘅碗仔翅。佢有好多肉絲木耳同豆腐碎，食落去口感好豐富，好多料，真係值得一試。