Le Bistro Winebeast (Moved) New Location

以前已在此小店食過晚餐。水準挺高，服務又好。印象難忘。數月過後，與朋友午餐聚舊，想起此小店，便再去試其午餐。一如上一次，外籍老闆娘非常有友善殷勤，詳細地介紹set lunch 同推薦菜式。但沒有hard sell。我同朋友點咗set lunch 嘅 mini burger。頭盤是蟹肉薯蓉，微温嘅薯蓉内有不少鮮味嘅蟹肉。特別是面層拌有青萍果條及紅菜頭條，令味道清新爽口。份量亦不少。食完已半飽。主菜上時不禁嘩然。因為都係甚具份量。每客两個mini burgers 加小盤煎薯仔粒。牛肉差不多一寸厚，肉汁豐富，可比美那些burger 專門店。煎薯更精彩。加了黑椒所以微辣，外層微焦，很香囗。雖然已很飽，但也忍唔住食哂。見到鄰枱叫作個dassorted dessert。好似好好味，但太飽，唯有下次再試。