Read full review
2005-02-24
65 views
尋晚同個女仔Friend去呢度食野,我同佢一人叫左一碗麵同飲品,另外又叫左一碗淨水餃,到差唔多食左一半既時候,個女仔Friend突然發現佢碗麵有一條長約一公分既青色菜蟲,咁有時d菜洗唔乾淨有一條半條菜蟲都唔奇,於是就用筷子尾整走條蟲繼續食,不過無幾耐佢又見到有另一條菜蟲,之後細心d去撈下碗麵竟然發現共有四條菜蟲,雖然菜蟲應該食唔壞人(我估),但個女仔Friend見到咁都食唔落啦,於是我就叫個男侍應過黎話俾佢聽碗麵有蟲,點知個男侍應聽完之後竟然彈左一句'咁你想點樣樣呢?'唔係呀...咁既情況竟然sorry都無句,算...唔想同佢嘈,跟住我就同個男侍應講叫佢換過碗麵,佢就話要問問先,之後有另一位女侍應過黎問乜野事,我就重複講多一次碗麵有蟲同要求佢換過碗麵,但呢個時候個女仔Friend就話佢已經食飽唔駛再換,而果個女侍應只係講左一句'呢d係菜蟲黎架'就走開左,亦都係sorry都無句,佢咁樣答我真係唔知好嬲定好笑,但既然個女仔Friend唔想追究,就唯有埋單走人,侍應先生侍應小姐,你地到底有無睇過華仔個廣告架?唉......
我同佢一人叫左一碗麵同飲品,
另外又叫左一碗淨水餃,
到差唔多食左一半既時候,
個女仔Friend突然發現佢碗麵有一條
長約一公分既青色菜蟲,
咁有時d菜洗唔乾淨有一條半條菜蟲都唔奇,
於是就用筷子尾整走條蟲繼續食,
不過無幾耐佢又見到有另一條菜蟲,
之後細心d去撈下碗麵竟然發現共有四條菜蟲,
雖然菜蟲應該食唔壞人(我估),
但個女仔Friend見到咁都食唔落啦,
於是我就叫個男侍應過黎話俾佢聽碗麵有蟲,
點知個男侍應聽完之後竟然彈左一句
'咁你想點樣樣呢?'
唔係呀...咁既情況竟然sorry都無句,
算...唔想同佢嘈,
跟住我就同個男侍應講叫佢換過碗麵,
佢就話要問問先,
之後有另一位女侍應過黎問乜野事,
我就重複講多一次碗麵有蟲同要求佢換過碗麵,
但呢個時候個女仔Friend就話
佢已經食飽唔駛再換,
而果個女侍應只係講左一句
'呢d係菜蟲黎架'就走開左,
亦都係sorry都無句,
佢咁樣答我真係唔知好嬲定好笑,
但既然個女仔Friend唔想追究,
就唯有埋單走人,
侍應先生侍應小姐,
你地到底有無睇過華仔個廣告架?
唉......
Post