Video
Read full review
2017-06-15
243 views
今晚又同朋友黎亞士厘道17號大樓的心鐵板燒食好野, 我諗好快食混呢座美食樓!我跟朋友2人被安排坐吧檯, 一張吧檯可以坐6人, 由一個主廚打理。我跟朋友選了這個矜貴龍蝦鮑魚2人鐵板餐頭盤 ~ 火炙吞拿魚腩、北海道螺肉沙律配紅梅汁很特別的頭盤沙律, 精緻又美味。火炙吞拿魚腩雖然細舊咗啲, 勝在香口嫩滑, 第一次食白海藻, 看似透明的粉絲, 口感很特別, 咬落嗦嗦聲, 白海藻本身冇味道, 撈埋附送的醋汁食, 酸酸甜甜, 勁開胃。螺肉爽甜, 海藻爽口, 海藻乃高纖低熱量又營養豐富的健康食品, 多食有益腸道。龍蝦湯堅係新用鮮龍蝦肉, 見住師父用一隻新鮮龍肉做出三個龍蝦湯。龍蝦肉鮮甜爽脆, 仲有4-5粒龍蝦肉, 湯頭用蝦頭及蝦殼烠制, 啖啖濃蝦膏滋味, 鮮香。義大利多士小片焗脆了的法包, 放上清新的香草蕃茄粒, 用來拌湯, 絕對不會搶走龍蝦湯的甜鮮, 也不太飽肚。鮑魚用新鮮貨, 放上鐵板時還在不斷垂死掙扎, 鮑魚肉不斷在擺動, 美豔的西班牙紅蝦.....雙雙對對.....同年同月同日同時間為我地壯烈犧牲了!!。翡翠鮑魚配柚子醋汁鮑魚剛剛熟, 咬落鮮甜爽彈, 配埋甜酸清香的柚子醋提鮮, 更可口,
我跟朋友2人被安排坐吧檯, 一張吧檯可以坐6人, 由一個主廚打理。
我跟朋友選了這個矜貴龍蝦鮑魚2人鐵板餐
頭盤 ~ 火炙吞拿魚腩、北海道螺肉沙律配紅梅汁
很特別的頭盤沙律, 精緻又美味。
火炙吞拿魚腩雖然細舊咗啲, 勝在香口嫩滑, 第一次食白海藻, 看似透明的粉絲, 口感很特別, 咬落嗦嗦聲, 白海藻本身冇味道, 撈埋附送的醋汁食, 酸酸甜甜, 勁開胃。
螺肉爽甜, 海藻爽口, 海藻乃高纖低熱量又營養豐富的健康食品, 多食有益腸道。
龍蝦湯
堅係新用鮮龍蝦肉, 見住師父用一隻新鮮龍肉做出三個龍蝦湯。
龍蝦肉鮮甜爽脆, 仲有4-5粒龍蝦肉, 湯頭用蝦頭及蝦殼烠制, 啖啖濃蝦膏滋味, 鮮香。
義大利多士
小片焗脆了的法包, 放上清新的香草蕃茄粒, 用來拌湯, 絕對不會搶走龍蝦湯的甜鮮, 也不太飽肚。
鮑魚用新鮮貨, 放上鐵板時還在不斷垂死掙扎, 鮑魚肉不斷在擺動, 美豔的西班牙紅蝦.....雙雙對對.....同年同月同日同時間為我地壯烈犧牲了!!。
翡翠鮑魚配柚子醋汁
鮑魚剛剛熟, 咬落鮮甜爽彈, 配埋甜酸清香的柚子醋提鮮, 更可口, 個人鍾意食鮮鮑魚多過乾鮑, 唔太like乾鮑那陣怪味, 除非厨師扣得好好。
四隻蝦頭的蝦膏加蛋及帶子的滑蛋漿
西班牙紅蝦配蕃茄辣汁
賣相精美
紅蝦去頭去殼拆肉, 見師父只簡單磨了少許胡椒、海鹽及酒調味, 蝦肉鮮甜十足, 爽口, 可能冇over , 肉質都算嫩滑, 好少大蝦肉唔嚡有肉汁, 呢隻紅蝦好食, 下面的蝦膏炒蛋先至系靈魂所在, 四隻蝦頭的蝦膏加蛋及蔥花炒成的滑蛋, 又香又滑溜, 真係聞得到的陣陣濃香蝦膏味道, 至於隔離的紅色小條.....細問之下原來系西班牙蝦腳, 經走過油, 硬硬地, 但我食晒, 因為系補鈣妙品, 蕃茄凍辣汁有啲似墨西哥辣汁, 香辣型, 但我嫌佢味道太搶, 只係蜻蜓點水式點了少許在蝦肉上伴吃。
鐵板菇
跟住就系頂級牛肉三味
師父忙得不可開交
第一味 ~ 美國肉眼薄燒
溥燒肉眼牛冇加調味, 牛肉包住醬漬昆布, 甜甜地鹹鹹地, 鹹甜交錯, 再加牛的肉香, 口感豐富兼惹味非常。
第二味 ~ 牛舌心
牛舌四四方方, 肉質爽口, 肉汁豐富, 不經調味, 點些碟上的喜瑪拉亞山海鹽增味, 好食程度即倍增。
第三味 ~ 和牛肉眼心
好明顯有人受唔住牛油的香味, 將吸了堅牛油的脆香方包偷食左一半, 和牛粒子肉色嫩紅, 屬瘦版和牛, 不是肥版的油滑型, 有點咬口, 牛味濃, 師父只加了少許黑椒調味, 故我亦是點喜瑪拉亞山海鹽增食味。
季節野菜
小女子炒飯
炒飯放上大量醬漬魚仔、醬漬昆布絲、蛋、蒽花和鰻魚粒同炒, 師傅炒時已經香氣四溢, 食一口, 鹹鹹香香, 飯粒圓潤, 炒得乾身, 好食呀, 朋友話好飽, 但我就成碗食晒, 一粒不剩。
反烤蘋果撻伴日式雪糕
日式雪糕有海鹽、芥末、柚子等, 個法式蘋果批我又唔多識欣賞, 蘋果焗得好腍滑, 但系冇乜蘋果味, 反而第一次食芥末雪糕覺得幾特別, 頭兩~三啖芥末味唔算突出, 只係淡淡的芥末清, 但越食越強烈, 香甜雪糕配辛辣芥末.....又真系幾特別, 幾好食, 唔錯唔錯。
Post
