Read full review
2016-05-15
1598 views
我久唔久都會嚟呢間食下蕃茄湯粉，今晚嚟到見到有新嘢食，一於試下先。呢個芝士蕃茄湯要$75，初頭諗: 同我平時食蕃茄湯加芝士有乜分別呢???不過見佢個餸有帆立貝又跟埋可樂，我至愛，又試下啦！我懷住好期待嘅心情，等呀等~終於嚟喇!(其實都唔係好耐，8分鐘到，可能我好心急啦!)嘩!原來都幾大碗下，即刻好心急咁呷一啖湯，抬頭個姐姐望到我笑一笑話:撈均佢先~~好食啲㗎！我即刻起勢撈~~果然，正呀！我跟佢個溫馨提示食微辣，蕃茄同芝士味都有喺度，唔會是但一方搶咗另一種味，微微辣果然係神之點滴，令你唔會覺得“溜”!到粒帆立貝~~用咗蛋黃醬焗，又係呢種微微辣，真係堅惹味!好幸福嘅感覺呀！呢個餐可以話你知咩叫完美，當我好enjoy時，攞起杯可樂啜一大啖，個情境就好似套戲“我左眼見到鬼”嘅其中一幕，亞肥妹鬼上鄭秀文身為咗食飽打個飽嗝，就係呢下，好耐未試過食餐飯食到我咁冧!蕃滿門，俾個叻你!
帆立貝芝士湯縲絲粉
$75
62 views
0 likes
0 comments
Post
