Video
Read full review
2016-05-11
607 views
黎到銅鑼灣 晚飯時間真係好多選擇諗黎諗去好似都係食個幾間咁 朋友A話不如今餐食西餐同食個甜品都好既 難得有意見 所以上網搵搵下 見到小甜谷 就食呢間 橫掂未食過裝修上其實都好舒服 燈光同顏色好柔和岩晒傾計食飯 同埋枱同枱都好大空間 有多啲私人空間感覺雖然到左食晚飯時間 但唔算好肚餓 叫啲小吃食下都唔錯揀左呢個蠔肉卡邦尼意粉蠔味都算好重 而且蠔既數量都唔少 都係落足料 白汁方面 可能佢有蠔關係 水份較多 唔會太過杰身 但白汁味都濃配合返個彈牙有口感既意粉 唔錯 整個意粉都用蠔做主調 鮮味好出 其餘既洋蔥 煙肉 雞脾菇等等配菜可以提昇口感層次 顏色好好 好吸引我眼睛三色椒配海鮮真係好有魔力 而且白汁忌廉係同任何貝殼類PREFECT MATCH日式既清酒煮法食得多 今次呢個原來都好唔錯喎!!!西式既白汁煮蜆比青口更加鮮味 數量好多 絕無呃秤 蜆肉同三色椒一齊食 更加香口雜菌吸收左忌廉後 精華好似落晒入去咁 多汁到爆!!白酒忌廉今次變左配角 配呢樣配個樣都好掂!!!蒜蓉法包加忌廉汁 鮮味加分之餘又不失香脆 有驚喜喎!!呢個豬仔骨可能係我食過最抵同最林既一個哈哈 半條骨都有成6條骨 一堆熱辣辣薯
黎到銅鑼灣 晚飯時間真係好多選擇諗黎諗去好似都係食個幾間咁 朋友A話不如今餐食西餐同食個甜品
都好既 難得有意見
所以上網搵搵下 見到小甜谷 就食呢間 橫掂未食過
裝修上其實都好舒服 燈光同顏色好柔和岩晒傾計食飯 同埋枱同枱都好大空間 有多啲私人空間感覺
雖然到左食晚飯時間 但唔算好肚餓 叫啲小吃食下都唔錯
香蒜煙腩蠔肉芝士意大利麵
$128
17 views
0 likes
0 comments
蠔味都算好重 而且蠔既數量都唔少 都係落足料
白汁方面 可能佢有蠔關係 水份較多 唔會太過杰身 但白汁味都濃
配合返個彈牙有口感既意粉 唔錯
整個意粉都用蠔做主調 鮮味好出
其餘既洋蔥 煙肉 雞脾菇等等配菜可以提昇口感層次
香草濃酒忌廉汁蜆
$88
10 views
0 likes
0 comments
三色椒配海鮮真係好有魔力 而且白汁忌廉係同任何貝殼類PREFECT MATCH
日式既清酒煮法食得多 今次呢個原來都好唔錯喎!!!
西式既白汁煮蜆比青口更加鮮味 數量好多 絕無呃秤 蜆肉同三色椒一齊食 更加香口
雜菌吸收左忌廉後 精華好似落晒入去咁 多汁到爆!!
白酒忌廉今次變左配角 配呢樣配個樣都好掂!!!蒜蓉法包加忌廉汁 鮮味加分之餘又不失香脆 有驚喜喎!!
韓式醬燒咖喱蜜糖BB豬仔肋骨配手製薯條
$68
9 views
0 likes
0 comments
哈哈 半條骨都有成6條骨 一堆熱辣辣薯條
好香既咖喱味 肉質好好 一切即開 面層有蜜糖令到更香口油脂比例好好既豬肋骨 時間控制得剛剛好 唔乾之如 面層收返啲水 做到烤烘既效果
手製薯條 香脆既外層但內裏仍然係有水份 外脆內軟然都會係薯條同出現?? 唔錯
冰果茶
13 views
0 likes
0 comments
冰果茶有蜜桃芒果奇異果等等水果 果味重 茶味唔會有衝突
食完油膩野飲杯果茶真係咩都沖走晒 好清新 又唔算甜 幾健康
Q DESSERT
$45
7 views
0 likes
0 comments
好采叫左一set咋 原來係咁大份量
一杯宇治抹茶軟雪糕己經比佢吸引左 唔會好甜 好重綠茶味 帶點茶既苦味
苦中帶甜 甘香回味 估唔到唔係綠茶店都會有咁高質素
梳夫窩夫 好脆!!!!!!! 第一啖既反應 鬆脆唔會好實淨 好好咬同熱食 好香口
配合埋抹茶雪糕 好滿足!!!
楊枝金露奶凍慕絲 我本身對芒果少少抗拒 但友人話要食 我試下啦
竟然會覺得都幾好味 磨左既西柚皮放左係慕絲上面同個芒果媃凍一齊
西柚味好出好開胃 清新左成個口 而且奶凍相當香滑 芒果味足夠
但味道唔會搶走其他味道 好夾!!
甜品用心!! 熱食都有水準 好少可有餐廳可以有咁穩定既表現
唔算貴 但好滿意 性價比估唔到咁高
Post
