Read full review
2014-08-08
6213 views
5-6年前, 有幸跟住公司老闆第一次到港島廳呢日也是拜老闆所賜再度光臨 ~港島廳係林建岳先生所開, 走高級食府路線因為港島廳太貴啦, 一個小職員好難負擔得起.訂了位, 所以不用等.視察過周圍, 都滿座, 和有不少外藉人士.港島廳令人最深刻就是環境~ 環境好緊要, 好多時食物質素有幾好, 但環境超差, 都會影響食慾.港島廳設計好有歐陸氣息, 經過好難會想像到原來係一間中菜廳.設計西化, 背景音樂卻播著港人耳熟能詳的廣東歌服務一流, 令人感覺非常親切 ,侍應先生樂意建議菜式.一班人食飯, 最開心莫過於可以點多幾款食物。老闆亦都很好地比我地發辦當日我地叫了12款食物, 有點心,燒味, 海鮮.....1) 帶子菜苗餃 ($18一件) - 極力推介因為餃皮好薄, 餡料好豐富, 多料到好似快要爆滿破皮 咬落啖啖帶子和菜, 感覺滿足.2) 黑松露蟹肉餃 ($30一件) - 聽個名好矜貴, 不過其實成個餃冇乜蟹肉味, 似食魚旦但加了少許黑松露味道 .3) 蜜汁叉燒 ($297) - 成日聽人推介呢到叉燒, 真係好"林"...但去到化嘅境界, 完全冇咗肉應有的質感, 仲要冇晒豬味...是豬肉唔
呢日也是拜老闆所賜再度光臨 ~
港島廳係林建岳先生所開, 走高級食府路線
因為港島廳太貴啦, 一個小職員好難負擔得起.
訂了位, 所以不用等.
視察過周圍, 都滿座, 和有不少外藉人士.
港島廳令人最深刻就是環境~ 環境好緊要,
好多時食物質素有幾好, 但環境超差, 都會影響食慾.
港島廳設計好有歐陸氣息, 經過好難會想像到原來係一間中菜廳.
設計西化, 背景音樂卻播著港人耳熟能詳的廣東歌
服務一流, 令人感覺非常親切 ,
侍應先生樂意建議菜式.
一班人食飯, 最開心莫過於可以點多幾款食物。
老闆亦都很好地比我地發辦
當日我地叫了12款食物, 有點心,燒味, 海鮮.....
1) 帶子菜苗餃 ($18一件) - 極力推介因為餃皮好薄, 餡料好豐富,
多料到好似快要爆滿破皮 咬落啖啖帶子和菜, 感覺滿足.
2) 黑松露蟹肉餃 ($30一件) - 聽個名好矜貴, 不過其實成個餃冇乜蟹肉味,似食魚旦但加了少許黑松露味道 .
3) 蜜汁叉燒 ($297) - 成日聽人推介呢到叉燒, 真係好"林"...但去到化嘅境界, 完全冇咗肉應有的質感, 仲要冇晒豬味...
是豬肉唔新鮮, 定製法想達到"林"的目的, 而令到豬味消失 ?
4) 避風塘炒蝦球 ($298) - 蝦好爽, 但冇蝦味~ 是否冷藏海鮮?而避風塘口味, 應該係好香蒜味和偏辣...但一點都不辣...有點失望
5) 梨香炸釀帶子 ($298) - 食完冇咩感覺, 冇特別味道....
6) 上湯浸鮮露筍 ($297) - 露筍鮮嫩冇渣, 但好似貴咗啲...
7) 脆皮吊燒雞 ($258) - 侍應先生推介, 皮很香很脆和雞肉好嫩, 不過這碟雞竟然是全餐最鹹的食物, 如果減返少許鹹味就perfect
8) 京蔥雲腿燒餅 ($16一件) - 食時要注意, 因為裡面餡料好熱. 燒餅外有芝麻好香脆, 燒餅餡加有雲腿很有鹹香味~ 很特別
9) 焗菠籮叉燒飽 ($16一件) - 全餐之最...差!!! 同事們食第一口已經知道出咗事~食過富聲, 添好運, 車氏....
一定知道咩叫焗菠籮叉燒飽. 飽面焗了但不脆,
食後感如去"美X" 西餅店買了個7蚊趕返工食嘅麵包一樣
10) 紅油抄手($98三件) - 以為好辣, 點知一啲都唔辣, 但因為個汁好香麻油味, 加返晒分 餃滑肉新鮮
11) 桂花蟹肉炒瑤柱 ($447) - 知道了價錢真係嚇咗一跳炒工一流好乾身, 不過呢個菜式本身係要靠瑤柱去帶起味道~
眼見蓋了一堆瑤柱喺面, 但放了入口...有瑤柱嗎? 沒有瑤柱味道呢 !
12) 黑松露雞粒燴飯 ($396) - 侍應先生冇介紹錯..令人非常回味的一碗飯, 雖然去到最後呢刻飽到反肚,
但最後成碗飯清晒...每粒飯都沾滿黑松露汁, 好濕潤而不膩.
雞粒雖然唔多, 但唔會覺得冇肉送飯,
因為每粒飯充滿黑松露味, 真係粒粒皆"香口"
今次光顧港島廳...有感食物味道偏淡 (除了脆皮吊燒雞),呢點值得欣賞, 但要注意偏淡亦可能帶出了食材質素不夠的缺點
Other Info. :
落單前, 侍應會先問你想飲咩Healing Drink,
有酸梅湯, 汽水等等...記住...飲品要$42杯,
另外1位茶錢$20, snack 30蚊4人1碟仔,
所以人頭$500蚊, 真係有數得計
(The above review is the personal opinion of a user which does not represent OpenRice's point of view.)
Post
