Tango Argentinian Steak House (Closed)

朋友既飲宴揀左尼間阿根廷菜，可以一次過品嘗好多唔同既菜式🤩前菜有蝦、吞拿魚配脆片同麵包。香辣既蝦配羅馬番茄仔、吞拿魚粒配牛油果，兩個菜色既味道都好清新同開胃，而且味道好夾，可能因為都有洋蔥同芫荽調味。脆片冇鹽唔油，比一般既脆片出色好多。細胃既我做好開餐準備，避開麵包冇食🙈Cheese dip都算係幾重點，成個芝士偏向輕身，帶點奶香，加埋佢既橄欖油點麵包或者放係脆片上面食都係一絕，芝士愛好者萬勿錯過。由於在場冇芝士愛好者，大家試完都仲有一半份量，有啲可惜。腸仔拼盤有似德國款式，但用返特色醬汁，算係不過不失。阿根廷既炸餃子超級大粒，芝士味較Cheese dip 重身，亦較重口味，加入雞/牛/豬/素，食半粒已經好漏，所以建議大胃者挑戰。Rump steak 既質素中上，牛味好濃😍可惜火喉太勁，比較難咬。肥羔主要在邊位，可以食少少試下。獨有6款特色醬汁，最鍾意都係阿根廷青醬，好有風味。