泰皇 (Closed)

為延續我地之前嘅曼谷@喪笑之旅，適逢大家都好愛泰菜，所以8月份嘅好友們生日…我地決定要繼續食泰菜慶祝一番！🍾一開始頭盤就緊係泰式小食拼盤啦，泰式沙律，雞翼，春卷，蝦餅，魚餅，樣樣都好好味吖！跟著緊係飲番個靚湯先啦，泰式冬蔭公🍜就唔少得啦，酸酸地辣辣地…正喎！開左我地個胃，而家到主菜！？未住，仲有一定要食嘅香香脆脆🍞蒜蓉包呢～ 不得了…一叫就叫左兩客來食，還有必食嘅生蝦刺身啊！主食就有…黃咖哩炒蟹🦀，泰式炒芥蘭🥦，泰式炒粉絲，辣肉碎包菜。而個黃咖哩炒蟹個汁真係好好味，攪到我地要叫第3客蒜蓉包🍞來拌食埋佢。一啲都唔想浪費啲美食。飯後餐廳送嘅甜品椰汁糕就普普通通啦，無咩驚喜。最後，我準備左(外帶食物)甜品比大家，就係泰國冷凍榴槤雪條🍦，食榴槤嘅朋友都一致好評，因為佢地話好creamy好濃郁。但好可惜我係唔喜愛食榴槤，所以無辦法明白佢地。而泰國7-11芝士飛碟只係大家嘅手信。