Read full review
2022-10-24
1393 views
一年一度 #大閘蟹 季節又嚟到，身為 #為食貓 嘅一眾，又點能夠放過😚 不過呢排公私兩忙，只好辛苦大家，就我過嚟東九嘅 夏麵館 集合，試吓佢哋新出嘅「江蘇清水大閘蟹宴」。未夠七點，餐廳已經一早坐滿八成客人，似乎大家都同我哋一樣，過嚟湊吓熱鬧🥳 由於係期間限定，套餐都以二人為起點（$598/2人份，茶芥加一另計），可惜我哋只得三個人，唯有叫個二人餐，加錢要多兩隻 #大閘蟹 同 #蟹粉小籠包，以免重演眼闊肚窄咁浪費😅 可能係太好生意嘅關係，師傅似乎一早已經準備好食物比客人，我哋落單唔夠5分鐘，套餐裡面嘅 #精裝五小碟（鎮江水晶肉、虎皮素鵝、糖醋小排、雞絲粉皮、蒜香四季豆）、#黑醋話梅肉、#蟹粉扒菜心 已經先後上枱😅 五小碟屬於一個冷盤菜式，各款食物嘅味道都唔錯，而我就鍾意佢哋個 #四季豆，啖啖蒜蓉香味，啱晒我胃口🤤 不過個黑醋話梅肉，同埋個蟹粉扒菜心，就真係有啲令人失望🤔  話梅肉嘅口感話我知，似乎未夠熟😅 而個菜心都係凍嘅，師傅只係將啲 #蟹粉 鋪上菜面就直接上枱😅 好在同阿姐講完之後，佢主動話幫我哋拎碟話梅肉入去炒過… 算佢啦😅 之後再上嘅係 #蟹粉小籠包，算係最新
未夠七點，餐廳已經一早坐滿八成客人，似乎大家都同我哋一樣，過嚟湊吓熱鬧🥳 由於係期間限定，套餐都以二人為起點（$598/2人份，茶芥加一另計），可惜我哋只得三個人，唯有叫個二人餐，加錢要多兩隻 #大閘蟹 同 #蟹粉小籠包，以免重演眼闊肚窄咁浪費😅
可能係太好生意嘅關係，師傅似乎一早已經準備好食物比客人，我哋落單唔夠5分鐘，套餐裡面嘅 #精裝五小碟（鎮江水晶肉、虎皮素鵝、糖醋小排、雞絲粉皮、蒜香四季豆）、#黑醋話梅肉、#蟹粉扒菜心 已經先後上枱😅 五小碟屬於一個冷盤菜式，各款食物嘅味道都唔錯，而我就鍾意佢哋個 #四季豆，啖啖蒜蓉香味，啱晒我胃口🤤 不過個黑醋話梅肉，同埋個蟹粉扒菜心，就真係有啲令人失望🤔  話梅肉嘅口感話我知，似乎未夠熟😅 而個菜心都係凍嘅，師傅只係將啲 #蟹粉 鋪上菜面就直接上枱😅 好在同阿姐講完之後，佢主動話幫我哋拎碟話梅肉入去炒過… 算佢啦😅 之後再上嘅係 #蟹粉小籠包，算係最新鮮熱辣嘅一道菜，皮係厚啲，不過都幾多湯汁吖😅
一般去食 #大閘蟹，師傅都會將 #公蟹 同 #乸蟹 分開蒸同分兩次上枱，等客人有得比較之餘，又唔使搞到啲蟹凍哂，不過 #夏麵館 個廚師似乎無呢個習慣😅 好在佢哋嘅 #大閘蟹 質素都算唔錯，雖然細細隻，都算幾多羔㗎🤤 不過可能佢哋趕住要喺21:20之前趕清枱啦（聽到班阿姐不停同新入嚟嘅客咁講），跟餐嘅 #薑茶湯丸、#陽春麵 同埋我哋張 #單，都喺無預兆之下，乒鈴乓啷放晒喺我哋面前😅 明嘅… 我哋都唔想阻人收工，不過當時九點都未夠，都唔使咁急啫🤣🤣
有比較之下，我覺得呢餐嘅食物水準都比早幾年嘅團購餐遜色😅 不過想食又唔想喺屋企搞咁多嘢，過嚟當過吓口癮都可以考慮吓嘅😚

Post
