Happy Lemon (Closed)

由於天氣太熱，所以同朋友行行下街忍唔住買杯凍野飲，我地叫左一杯椰香胚芽可可，$12，惡夢就係咁開始左。首先，得一個唔係好好禮貌既姐姐幫我地叫$$，『你要大杯定細杯』朋友:『標準』(因為張廣告係打住標準，點知你會當o個個係大定細呢?)講完呢句，阿姐面色一沉:『十二！』之後一句野都冇講過，又冇叫我地等陣，又冇講多謝.........響佢整野既途中，我地見到佢拎住個鐵杯畢料入去，呢度都冇咩問題，個問題就係佢畢完野之後，佢開左個水龍頭，fill左d水入去個杯度，之後開始用個機shake.........shake完就倒入個杯度比我地飲................朋友見狀:『你係唔係加左水喉水入去?』阿姐:『o個個入面裝左過濾器。』朋友:『即係水喉水未煲過?』阿姐:『加左過濾器就冇問題。』係唔係真係加左就得天知地知同呢度d員工知......而且個味道仲要淡如水........胚芽都幾多，不過冇椰香同得好少既朱古力味....................好彩飲完今日都冇肚痾，仲可以打食評，不過我再唔會幫襯呢間服務又差，味道又唔合格而且衛生仲係一個謎既happy lemon!講真，飲完真係好u