立体派拉麵 (Wellington Street)

Open Now

Now Closed

今日同朋友嚟到中環蘭桂坊附近食飯，我哋入咗依間裝修頗有格調嘅拉麵店食飯。我同朋友叫咗鯖魚湯香菇野菜海蝦拉面，一個雙子鹽味拉麵，一個自家製餃子 仲有一個香炸雞軟骨餃子。鯖魚湯香菇野菜海蝦拉面湯底好濃郁好鮮甜，麵質粗且彈牙，再配上香菇同野菜，口感非常豐富。海蝦方面，海蝦十分大隻，以酒醃製完，再雪凍，第一啖食落去充滿着酒香，然後海蝦嘅鮮甜再慢慢散發出來。海蝦十分新鮮，肉質爽，蝦膏鮮甜，非常之好吃。而雙子鹽味拉麵亦都十分特別。呢個面係由兩碗拉面組合而成。呢款雙子拉面特別既原因係因為兩碗拉面係一凍一熱，同我地食開既熱湯拉面既感覺完全唔同。凍嗰邊有唔同既海鮮做配料，提升左拉面既味道，配料包括魚干同埋三文魚子，而且仲有食拉面不可缺少的叉燒，令我覺得非常滿足。而熱嗰邊既拉面就比較清淡，但係鹽味既湯底同埋拉面既味道配合得好好，而且亦都有唔少蔬菜作配料，令到湯底唔會太咸，味道適中。整體黎講呢個拉面對我黎講十分新鮮，而且味道好好，十分適合中意食拉面既你！自家製餃孑同香炸雞軟骨餃子亦都做得很出色！兩款餃子皮薄涵靚，其中香炸雞軟骨餃子口感更是一流！