Read full review
2018-08-11
603 views
今晚因爲落雨，令原先打波活動取消左，所以成班朋友轉戰蒸氣石鍋！呢到位置離地鐵站比較遠，所以由旺角落車行過黎都用左10分鐘到呢到係一個價錢，包左數款海鮮之後再任食肉、菜同包點類，仲有任飲酒水～由於我遲左少少先到，所以朋友們都落好單叫左海鮮啦～第一樣到既係燉湯其實有兩款選擇，呢款雞腳豬骨比較好飲，味道濃郁啲，另一款朋友們話比較淡～之後到刺身，其實佢刺身都好新鮮，由其係呢啲蒸氣石鍋店本身冇期望既情況下，不過一人得一件，感覺比較少同埋我真係唔鍾意食希靈魚跟住係一輪海鮮，其實食蒸氣鍋最緊要係海鮮新鮮，呢到雖然係指定食材加任食組合，但款式唔會太差同埋的確新鮮鮮甜第一款係佢既蜆，每人分量都充足，見到入面冇死蜆，食落都係濕潤彈牙第二款係每人半隻龍蝦，新鮮龍蝦肉質鮮甜，蒸到剛剛離殻，蝦膏唔算多係佢比較普通既地方之後到鮑魚啦，由於我地坐既位對正魚缸啲南非鮑魚，所以FF左成晚會唔會有咁大隻，咁當然套餐價就只有鮑魚仔，但佢都係偏大既鮑魚仔，味道唔錯，但多啲果皮會更好貴妃蚌，一樣自從我屋企人發現後，成日都買返屋企整既海鮮，呢到大細屬於中等，有粉絲係底去吸收精華都的確唔錯！跟住係象拔蚌，師傅將佢切絲，食落都算大隻
呢到位置離地鐵站比較遠，所以由旺角落車行過黎都用左10分鐘到
呢到係一個價錢，包左數款海鮮之後再任食肉、菜同包點類，仲有任飲酒水～
由於我遲左少少先到，所以朋友們都落好單叫左海鮮啦～
第一樣到既係燉湯
燉湯
18 views
0 likes
0 comments
其實有兩款選擇，呢款雞腳豬骨比較好飲，味道濃郁啲，另一款朋友們話比較淡～
三色刺身
16 views
0 likes
0 comments
之後到刺身，其實佢刺身都好新鮮，由其係呢啲蒸氣石鍋店本身冇期望既情況下，不過一人得一件，感覺比較少同埋我真係唔鍾意食希靈魚
跟住係一輪海鮮，其實食蒸氣鍋最緊要係海鮮新鮮，呢到雖然係指定食材加任食組合，但款式唔會太差同埋的確新鮮鮮甜
蜆
12 views
0 likes
0 comments
第一款係佢既蜆，每人分量都充足，見到入面冇死蜆，食落都係濕潤彈牙
龍蝦
15 views
0 likes
0 comments
第二款係每人半隻龍蝦，新鮮龍蝦肉質鮮甜，蒸到剛剛離殻，蝦膏唔算多係佢比較普通既地方
鮑魚
18 views
0 likes
0 comments
之後到鮑魚啦，由於我地坐既位對正魚缸啲南非鮑魚，所以FF左成晚會唔會有咁大隻，咁當然套餐價就只有鮑魚仔，但佢都係偏大既鮑魚仔，味道唔錯，但多啲果皮會更好
貴妃蚌
12 views
0 likes
0 comments
貴妃蚌，一樣自從我屋企人發現後，成日都買返屋企整既海鮮，呢到大細屬於中等，有粉絲係底去吸收精華都的確唔錯！
象拔蚌
17 views
0 likes
0 comments
跟住係象拔蚌，師傅將佢切絲，食落都算大隻，質地係幾款貝中比較有咬口，但蒸出黎都剛剛好，唔係橡筋咁樣，合格
蟶子皇
15 views
0 likes
0 comments
最後係蟶子皇，見到size算大，爽口而海鮮味比較淡
之後介紹既係任食環節，主要有肉、菜同包點
一口牛/豬頸肉/雞
18 views
0 likes
0 comments
一黎見到三款肉類，分別係一口牛、豬頸肉同雞肉，由於一口牛比較快熟，職員會先計時叫大家先食牛肉，而牛係三款之中最突出既，因為佢牛味濃同埋出奇地係淋滑既～豬頸肉蒸後冇平時煮法咁油，但都冇平時咁香，雞就同平時冇咩分別。
肉丸
11 views
0 likes
0 comments
之後係蒸丸，牛肉丸一如以往食開既手打肉丸一樣，好似食緊飲茶既牛似球咁，蝦丸唔算丸彈牙反而豬似丸味道最好，有啲梅菜調下味
包點類
25 views
0 likes
0 comments
最後介紹包點類，馬拉糕係鬆軟既，唔算太甜，饅頭有中式飽點既麵粉味，係小弟其中一種最愛既包所以冇咩好評價，反而佢個薑汁糕有好大迴響，鍾意薑味既朋友應該幾鍾意，因為佢好香薑味，我食第一淡心入面諗如果佢有埋可樂味就好得意啦～ 但有朋友接受唔到佢既薑味，所以叫既時候都係唔好叫太多好
酒水
20 views
0 likes
0 comments
另外要一提既係佢有任飲酒水，有青島同Asahi仲有嘉士伯draft，一班老友黎到吹水飲野都係唔錯選擇
總結呢到雖然地理位置比較遠，但我覺得海鮮類係合格，如果人多唔想叫咁多貴價海鮮又想食蒸氣鍋傾下計食個飯，呢到係唔錯選擇！重點要提係佢服務好好，每款海鮮中間都會幫你換碟同埋幫你計時蒸海鮮！我地好唔好意思咁係上左湯後改少一個人，經理都好幫手cut左一個人位，唔似好多任食地方咁夾硬收費👍🏻
小弟冇影到蔬菜，但其實啲瓜同菜都唔差
Post
