白木屋 (Closed)

今天突然決定黎白本屋， 所以用唔到優惠劵，因為要預早一天book位先可以用。我們今次4 人行，有獨立房間，而且在外面先除鞋放係鞋櫃入面，侍應然後帶我們入去。可惜4人房間唔多大，而且沒有隔聲。我地沒有叫套餐，因為祇有2人套餐，而且又唔多吸引。我們先選了個美人豆腐鍋，然後叫左個石頭鍋飯、雜錦壽司、木魚雞蛋及雞軟骨。美人豆腐鍋跟一碟玉子豆腐，問侍應個湯底係有D什麼料，佢唔知係唔係暑期工，好似答唔到，話問下再回覆，又沒有影了。算了！都不用問，吃落便知 ，但係個湯底好怪，有酸味，唔知係唔係酸牛奶，非常唔好飲。其他食物就普通，只有木魚雞蛋及雞軟骨稍為好一點，木魚雞蛋入面雞蛋很滑，而雞軟骨炸物剛好，又易咬碎。整體來說，是普通的，只有房間有點私隱度特別一點。