牛大人台灣火鍋吃到飽 (Tai Hung Fai (Tsuen Wan) Centre)

Open Now

Now Closed

放假7:30前離座嘅「極上和牛吃到飽」係抵！食早輪晚飯又唔洗同人迫。鍋底今次叫左眷村白肉酸菜鍋，d酸菜料同白肉好食，淥其他野又唔會搶走原味，幾好。餐送免費澳洲和牛牛丸，有肉汁又超級彈牙；和牛M5牛肩卷、美國Prime極級肩里肌、安格斯特選牛板腱我全部都order左，和牛M5牛肩卷一定係first choice，軟嫩同牛味係最正。可以order嘅種類太多，今次主攻魚同其他海鮮：脆肉鯇魚片、台灣鯛魚片、台灣鱸魚片、脆肉鯇魚腩，鱸魚片係最適合火鍋而且又滑又有魚味。焯焯秘製滷牛筋、滷牛肚，淥熱左都仲食到滷水味，好正！海蝦、鮮沙白夠鮮夠大隻，鵝腸、章魚珍珠漿、自取嘅蜂巢豆腐、南瓜、菇、冬瓜、雲耳、好多丸同菜等等都ok新鮮乾淨。特別嘅台灣水蓮淥一淥爽脆清爽，剩係喺度食過。