木子甜品 (Closed)

香港地糖水舖多不勝數，但主打台式芋圓仙草的鋪頭卻唔多，而其中提供有質素芋圓的鋪頭更是少之又少。做為芋圓控，木子甜品是我時常幫襯的甜品鋪，勝在選擇多，價位合理，而地方來講，雖然不近地鐵站，卻是鬧中取靜，周圍非常容易泊車，適合駕車人士。鍾意仙草芋圓組合的我，選擇了宇治仙草芋圓，仙草上鋪滿紅豆，12粒蕃薯芋圓及一球抹茶雪糕，非常解暑。紅豆不會很甜，平時甚少食豆的我，亦全部食光了。朋友點的芒果帝國，用料十足，芒果奶凍上鋪滿芒果果肉，再配上一球芒果雪糕，令酷愛芒果的朋友大快朵頤。