Video
Read full review
2021-03-29
4193 views
相信好多人都認識呢間大坑壽司店，佢哋都應該開咗超過10年。其實咁多年以來佢哋嘅食物質素從來都冇差過，兩位主要師傅專業得來亦和藹可親👍🏾 但唔知道有冇感受過佢哋幾位女侍應嘅服務態度，簡直係嘆為觀止，我亦都試過坐喺度嘅時候懷疑自己做咗啲乜嘢欠左佢哋，仲要唔係一個，係兩三個都係咁🥴 但係基於我每次都係坐壽司吧，而且兩位師傅嘅功力絕對能夠蓋過果幾位女侍應嘅不足，所以都久唔久去幫襯下。但係啱啱今次嘅經歷，真係打消左好多我對呢間餐廳回頭嘅機會。事緣係咁，今次食晏亦都一如以往坐喺壽司吧，可能我每次係呢間餐廳嘅時候，啲女侍應嘅態度從來都冇改變過，expectation係零，所以都冇乜感覺。快快咁叫完12件壽司餐，同埋亦都有師傅去揀，避免太多交流，其實佢哋都表現到佢哋好似好趕咁。其實以啲侍應嘅態度我以為去咗澳牛🥴今次係由一位壽司師傅仔去造，佢望一望張單，已經好快咁攞咗一堆切好咗嘅魚生出嚟，仲希望咁唔係我嘅食物之際，第一件已經放咗喺我面前🥴 其中一樣令到我覺得唔爽嘅係，12件壽司裏面有三款係打孖上，仲要兩款係白身魚，一款係赤身🤷🏾♂️我知有啲人會覺得，咁你做乜自己唔揀想食嘅嘢，我只不過但係從來冇諗過會同款
但係啱啱今次嘅經歷，真係打消左好多我對呢間餐廳回頭嘅機會。事緣係咁，今次食晏亦都一如以往坐喺壽司吧，可能我每次係呢間餐廳嘅時候，啲女侍應嘅態度從來都冇改變過，expectation係零，所以都冇乜感覺。快快咁叫完12件壽司餐，同埋亦都有師傅去揀，避免太多交流，其實佢哋都表現到佢哋好似好趕咁。其實以啲侍應嘅態度我以為去咗澳牛🥴
今次係由一位壽司師傅仔去造，佢望一望張單，已經好快咁攞咗一堆切好咗嘅魚生出嚟，仲希望咁唔係我嘅食物之際，第一件已經放咗喺我面前🥴
其中一樣令到我覺得唔爽嘅係，12件壽司裏面有三款係打孖上，仲要兩款係白身魚，一款係赤身🤷🏾♂️我知有啲人會覺得，咁你做乜自己唔揀想食嘅嘢，我只不過但係從來冇諗過會同款，仲要係三樣同款🤦🏾♂️🤷🏾♂️而附近嘅人有嘅牡丹蝦，池魚嗰啲，我都係一一欠奉🥲另外隔離有咩手卷或者卷物，我都係冇，換來就係一舊飯上面放左一堆吞拿魚蓉，我坦白講口感真係一般
另外，我除咗一啲熟悉嘅例如海膽赤身外，我唔係好知自己食咗啲乜，呢位師傅仔除咗第一件有介紹過之外，之後嗰啲全部都係放低咁之後繼續默默耕耘，到最後食完我都唔知道自己食完。見到佢洗野我先問師父我係咪已經食完，佢先好愕然咁話：「吓，上最後一件啦喎。」我心諗，你唔講我點知，唔通真係要自己數住咩，不過都係心諗。我同我叫買單嘅時候，嗰位女士應先攞個麵豉湯俾我，係咪即係話俾我知，其實其他侍應都唔知道我食完。
另外一件事係，呢個師傅仔嘅白色壽司服確實太污糟，仲要係響我視線水平，喺一間唔係平嘅壽司吧師傅來講，確實係低於水平之下。
不過呢一餐係我咁耐以來食得最快嘅壽司晏晝，睇返啲message時間，有落單開始，同我買單係16分鐘，同去食餐澳牛差唔多🥴
大家又未至於要去black list呢間餐廳，但係如果再係記住一定要用返嗰兩位平時整開野嘅師傅，同埋盡量唔好同其他樓面嘅人有溝通，咁就應該食得開心😉
。
。
回頭指數：🙅🏾♂️🙅🏾♂️🙅🏾♂️🙅🏾♂️（唉）
💰性價： 👎🏾👎🏾👎🏾👎🏾（純粹以今次經驗，平時食物真係good嘅）
（5粒填滿嘅話💵 為最高）
126 views
2 likes
0 comments
Post
