金船長餐廳 (Closed)

提起大角咀金船長 一定冇理由唔知道佢得獎食品，黑松露馬卡斯芝士夾心薄餅， 今次真為呢個pizza而來, 而且入到去已見到， 大大隻字寫住得獎作品，所以唔會漏點了。 今次得我同老公兩人， 所以點咗個細size 16吋， pizza內涵夾著超級多的黑松露, 外皮沾滿了濃郁嘅芝士， 內軟外脆， 侍應介紹這三種食法，第一種就係最原始，就咁食。第二種呢就係沾了佢哋每日新鮮釀製嘅葡萄醋食，第三種就係加上沙律菜一齊食。 無論點食都係咁好味。另外點了焗田螺，炸軟殼蟹，美國肉眼牛扒，甜品點了梳乎厘。法式焗田螺， 往時食開都係薯蓉焗， 但今次流質很多，有大量蒜香牛油可搽麵包， 田螺肉保留了水分很鮮嫩。炸軟殼蟹放喺長碟上，賣相精美，入口軟腍，外皮炸得脆脆的， 冇油益味。美國肉眼牛扒配薯菜，黑椒汁。 薯菜烤得剛好，還保留著水份。 黑椒汁另上， 食客可以自行決定落幾多，貼心服務。 牛扒五成熟剛剛好， 保留了肉汁， 如果可以加多塊牛油係底，熱碟上一定更美味。梳乎厘高高聳起， 外形鬆泡泡， 充滿空氣感 ，吃下感覺輕盈， 是近期比較喜歡嘅一種甜品，好味道。