Video
Read full review
2010-12-29
267 views
由年頭知道ABC，年中都訂個兩次枱，不過都full house，亦知道walk in都只會摸門釘，所以一路都係waiting list既餐廳。攪下攪下到而家年尾，再次記起呢到，亦終於訂到枱，有機會食到呢間熟食街市西餐。睇見咁多食評，乳豬係今次既目標。紅色格仔好易認，坐底睇見餐牌，前菜主菜既選擇都係四至五樣，樣樣都想試下，黎一次掃餐牌。先黎香草餐飽，上枱果陣熱辣辣，幾軟熟下，食落有淡淡香草味，好吃，以餐前飽黎講，當然收貨。藍莓芝士合桃沙津，藍莓芝士一pat pat係個碟到，賣相已經麻麻地，藍莓芝士亦味唔太濃，奇怪，仲有d合桃，唔多脆口，唔係太特別的一款沙津。前菜叫左鵝肝，食落幾肥下，皮煎得唔太脆，脆d會更好。另一款係西班牙小食併盤，奄列粉粉地，蛋煎得有點老，火腿好軟，一分錢就一分貨吧，仲有d茄汁豆，印象唔太深既一款前菜。Starter仲有叫左三文魚子蟹肉雲吞，呢款睇賣相就最似樣，食落唔知邊d係蟹肉，不過個汁就有幾重蟹粉味，好味。到主菜，當然有今次目標乳豬，個皮非常之脆，好似薯片咁樣都無誇張，個肉幾肥下，肉亦腍身嫩滑，個底既薯容也不錯，很有水準既西班牙乳豬，好似$118蚊，這水準計都幾相宜
先黎香草餐飽，上枱果陣熱辣辣，幾軟熟下，食落有淡淡香草味，好吃，以餐前飽黎講，當然收貨。
藍莓芝士合桃沙津，藍莓芝士一pat pat係個碟到，賣相已經麻麻地，藍莓芝士亦味唔太濃，奇怪，仲有d合桃，唔多脆口，唔係太特別的一款沙津。
前菜叫左鵝肝，食落幾肥下，皮煎得唔太脆，脆d會更好。另一款係西班牙小食併盤，奄列粉粉地，蛋煎得有點老，火腿好軟，一分錢就一分貨吧，仲有d茄汁豆，印象唔太深既一款前菜。
Starter仲有叫左三文魚子蟹肉雲吞，呢款睇賣相就最似樣，食落唔知邊d係蟹肉，不過個汁就有幾重蟹粉味，好味。
到主菜，當然有今次目標乳豬，個皮非常之脆，好似薯片咁樣都無誇張，個肉幾肥下，肉亦腍身嫩滑，個底既薯容也不錯，很有水準既西班牙乳豬，好似$118蚊，這水準計都幾相宜，睇黎係黎呢到必叫既一款。
到牛扒，食落口既感覺有點怪，軟腍腍好似梅梅地，友人以某快餐店早餐扒黎形容係極之貼切，係不合我地既心水既牛扒。
到比目魚，白雪雪好似無咩味咁樣，個汁食落幾特別下，魚就穩陣，軟軟腍腍。
仲有一款係燒雞，見以前食評係春雞卷，好似幾吸引下，而家換左係燒雞，雞肉幾多汁，食脾既關係，夠哂滑，個汁好夾個雞，幾好食既燒雞。
見好多人都有食西班牙海鮮飯，亦叫左一客試下。幾大兜下，海鮮都唔少，樣樣有d，同平時食既海鮮飯有少少唔同，平時食既西班牙海鮮飯有少少辛口，呢到既係丁點兒辣味都無，飯幾乾身，其實也不錯的。
到甜品，原來可以併盤上，叫做樣樣有d。 紅桑子餅最好，加埋d cream一齊食，很不錯，油條幾特別下，其他果d千層酥、梳乎里、apple crumble就相對普通。
店有紅酒供應，睇電視機學既，支酒好舒服。自帶紅酒都可以，好野。
西班牙烤乳豬真係唔錯，係值得推薦，其他就有d參差。環境係熟食街市，想像得到既。服務亦唔可能要求味味都換下碟，係可以接受既。整體很不錯，滿意。
Post
