何賢記甜品世家 (Closed) View

抵食糖水甜品位於西環 堅尼地城爹核士街嘅呢一間甜品糖水舖-何賢記甜品世家, 改咗名叫賢記。 主打懷舊甜品, 仲會有啲新口味嘅甜品推出, 用心製作 而且十分足料! 除咗喳咋, 紅豆沙, 綠豆沙, 芝麻糊, 紅棗茶, 腐竹糖水等嘅懷舊甜品外, 仲有啲新派嘅甜品🍨🍧, 小紅帽, 綠野仙蹤, 水晶宮🥣, 團團圓圓🍡等嘅新名稱甜品出現。。。 花多眼亂, 真係唔知食咩好😂😂芒芒天空 - $45茫茫天空睇過名應該係芒果弓, 但其他嘅就估唔到😂😂😂 其實佢仲有楊枝甘露, 愛玉, 小丸子, 水晶, 西米, 食落口感豐富, 而且份量十足呀! 抵食! 👍🏻薑薯桃膠小丸子 - $38呢碗就一啲都唔難估, 亦都係傳統中式薑汁蕃薯糖水, 不過加咗女人至愛有「平民燕窩」之稱嘅桃膠, 但原來它的植物性膠原蛋白，並沒有補充人體膠原蛋白之用。然而，其高纖維的特性，的確有助排便，以達到排毒、美顏效果。仲加有煙韌嘅小丸子。🥣 本身桃膠係冇味的 配埋薑汁蕃薯糖水, 原來可以咁夾! 😋全部價錢都好抵食㗎, 但真係太飽啦, 下次再試先! 鋪名: 何賢記甜品世家 (賢記)地址: 西環堅尼地城爹核士街11號地下4號舖#hkfood