車品品小食 (Closed)

突然想食碗仔翅，上網揾下有咩好報告，見到有個大廚話大角咀有間食碗仔翅有高評語，所以就放工過去試下，7點幾去到門口已經有兩個人排緊隊，見座位唔多，諗住等到陣就得，等左45分鐘先見廚房出餐，最後等左75分鐘，腳都軟晒！！叫左招牌雜錦車仔麵，花雕豬腳，碗仔翅，一杯冬瓜茶，食物質素：花雕豬腳個汁似糖醋，豬皮好淋，雜錦車仔冇咩特別，豬腸好入味，蘿白夠淋有甜味，碗仔翅食材多，唔會好糊，湯底唔咸，比街邊好食好多，冬瓜茶本來以為台灣咁，有驚喜有冬瓜肉唔甜！！！總括來說，唔洗等唔耐可以再食！！！