Video
Read full review
2009-05-31
25 views
尋日Lunch去咗金鐘港麗酒店(CONRAD)嘅Garden Cafe食Lunch Buffet，一個星期前打嚟Book位話得返Poolside位，今朝酒店打電話嚟Confirm依然係話室內無晒位，臨場去到好彩又話有室內位(可能係執死雞)，如果唔係坐出面就熱死；Poolside位環境其實唔錯，不過大熱天時仲要喺中午時侯無冷氣都食得幾辛苦~~~以Lunch Buffet嚟講，食物種類算幾多：-冷盤：充滿蝦子同蝦膏嘅龍蝦、比較遜色嘅係長腳蟹(有啲位無剪開，要問侍應生攞較剪)生蠔：即場開嘅新鮮生蠔，味道唔錯，每人每次限取六隻刺身：三文魚、吞拿魚、北寄貝、醋漬魚、八爪魚等壽司、卷物：樣樣有啲，一般水準啦凍食及沙律吧：冷麵、凍海鮮等，無乜驚喜熱食：有西冷牛、燒羊腿、蒸魚、菜、燒味、咖喱、日式天婦羅、車仔麵、意粉，叫做樣樣都有啦湯類：今日有酸辣湯同南瓜湯，一般水準甜品：梳乎利、即製Pancake、芝士蛋糕、奶凍、布甸、朱古力噴泉，都算有幾多選擇~~~雪糕：有士多啤梨、朱古力同焦糖，口味唔錯由於係星期六，今日都幾Full，不過食物依然充足，不斷補充；侍應生好有禮貌，加水同換碟都好快~~~Lunch
以Lunch Buffet嚟講，食物種類算幾多：-
冷盤：充滿蝦子同蝦膏嘅龍蝦、比較遜色嘅係長腳蟹(有啲位無剪開，要問侍應生攞較剪)
生蠔：即場開嘅新鮮生蠔，味道唔錯，每人每次限取六隻
刺身：三文魚、吞拿魚、北寄貝、醋漬魚、八爪魚等
壽司、卷物：樣樣有啲，一般水準啦
凍食及沙律吧：冷麵、凍海鮮等，無乜驚喜
熱食：有西冷牛、燒羊腿、蒸魚、菜、燒味、咖喱、日式天婦羅、車仔麵、意粉，叫做樣樣都有啦
湯類：今日有酸辣湯同南瓜湯，一般水準
甜品：梳乎利、即製Pancake、芝士蛋糕、奶凍、布甸、朱古力噴泉，都算有幾多選擇~~~
雪糕：有士多啤梨、朱古力同焦糖，口味唔錯
由於係星期六，今日都幾Full，不過食物依然充足，不斷補充；侍應生好有禮貌，加水同換碟都好快~~~
Lunch Buffet由十二點食到下晏二點半，悠悠閒咁嘆返吓都唔錯；今次由於有七折Coupon，兩個人加埋一埋單只係$460.8，都好OK，但由於有此優惠所以無得為Asiamile加里數，臨走時個侍應生又送多兩張七折Coupon~~~
Post
