Read full review
2013-02-06
447 views
今晚我們一家人去了寶林新都城食晚飯,因為Saizeriya每天都好多人等位,所以我一個人去了取籌先,大約等了30分鐘終於入座,幸好今天等候的人都不是好多.....打開的menu 都好colourful ,每款食物都有相,更可以了解食物的款式,而且價錢都好合理又抵食,未order時我們每人加了個$12的drink bar 任飲,食物方面又我家人order......bowl:意大利雲吞菜湯( minstrone rovioli soup )$23-----意大利的雞肉香草雲吞及菜湯餡料豐富,雲吞一共有4粒,湯的味道都香濃。帶點微酸令人開胃。芝士法包(Cheese baguette)$9及蒜香法包(gralic baguette)$8------芝士濃郁而且啖啖都令人芝味滿足,另外蒜香法包都蒜香滿溢,整個包面已是塗滿蒜蓉醬,散發了陣陣的蒜香及牛油味,真是令人垂涎三尺,最正是兩款的法包是即叫即焗,咬落香脆又晤硬。芝士焗薯角(cheese and bacon potatoes)$17-----整個小食是我每次來到Saizeriya必order 的,雖然薯角是比較會腍了一點,但一定令人滿足芝士的
地中海海鮮比薩(seafood pizza)$35-----材料有煙三文、魷魚、蝦,材料好足,先講下的pizza 的餅底,其實都好似是食麵包feel ,因為欠了香脆的口感,整體上我都滿意接受。 卡邦拿意大利粉(spaghetti carbonara)$27----意粉都好爽口彈牙而且好香的蛋黃汁不過未算好濃。可是煙肉片較少。意粉份量都好足。 蓄茄煙肉意大利粉(spaghetti with tomato and bacon)$25---蕃茄味都好香甜,意粉都好爽口彈牙,份量都好足。 可以加$12一位任飲drink bar 的飲品,如果冷熱水都可以自行去斟就不用收費,真是好方便。而且地方都不錯又有sofa 位地方都好乾淨&尚算闊落。而且餐廳不收加一所以Saizeriya的食物是抵食又便宜而食物水準不俗而出名,所以不少客人熱捧開飯的地方,而且食物都好多款式,價錢公道。如果對食物水準方面不是好高要求的話,將價就貨真是抵食搭夠,Saizeriya都是一個晤錯的開飯選擇。
Post