Video
Read full review
2021-12-25
1539 views
一年一度既聖誕節大餐揀左富豪香港酒店既御花園咖啡室，聖誕節正日自助午餐，只要早10日預繳，身爲住客既我地，居然$1000樓下兩大兩細有找，抵食！咁平咁到底有咩食？當然唔好抱太大期望。呢度自助食物區好集中，方便攞野食。裝修亦非常grand！一入去就見到凍海鮮，有翡翠螺，凍蝦，青口，蟹腳。翡翠螺好硬，凍蝦都可以。沙律區喺凍海鮮隔離，有雙色硬芝士伴提子同提子乾，沙律菜兩款。有芒果肉，車厘茄，粟米粒，紅腰豆，鷹嘴豆。伴有多款沙律醬同toppings如芝士，碎火腿。紅腰豆同鷹嘴豆味道有少少怪。另一邊有預先撈好嘅沙律，味道稍為好啲。左起有雜錦凍肉，青木瓜沙律，水牛芝士番茄沙律，芝士火腿通粉沙律，煙三文魚。水牛芝士番茄沙律味道調得算唔錯，青木瓜沙律都有唔同海鮮，雖然質素麻麻。之後就到熱食區，有聖誕火雞，我冇試。隔離有韓式豬肉蔥油餅，鴨肝多士，蔥油雞，滷水蛋，XO醬炒蝦仁，蟲草花蒸魚，薑蔥龍蝦鉗。個人覺得鴨肝多士算係較特別，煎得外脆內滑，加左少少黑醋去油膩感，自己夾仲可以唔夾塊多士食。XO醬炒蝦仁超細隻又明顯係雪藏。蟲草花蒸魚我鍾意啲雲耳同蟲草花咋。薑蔥龍蝦鉗較為名貴，不過要自己剝殼，味道可以。轉角有
呢度自助食物區好集中，方便攞野食。裝修亦非常grand！
凍海鮮
22 views
2 likes
0 comments
一入去就見到凍海鮮，有翡翠螺，凍蝦，青口，蟹腳。
翡翠螺，凍蝦
14 views
2 likes
0 comments
翡翠螺好硬，凍蝦都可以。
沙律區喺凍海鮮隔離，有雙色硬芝士伴提子同提子乾，沙律菜兩款。
有芒果肉，車厘茄，粟米粒，紅腰豆，鷹嘴豆。伴有多款沙律醬同toppings如芝士，碎火腿。紅腰豆同鷹嘴豆味道有少少怪。
沙律，凍肉
15 views
0 likes
0 comments
另一邊有預先撈好嘅沙律，味道稍為好啲。左起有雜錦凍肉，青木瓜沙律，水牛芝士番茄沙律，芝士火腿通粉沙律，煙三文魚。水牛芝士番茄沙律味道調得算唔錯，青木瓜沙律都有唔同海鮮，雖然質素麻麻。
之後就到熱食區，有聖誕火雞，我冇試。
隔離有韓式豬肉蔥油餅，鴨肝多士，蔥油雞，滷水蛋，
XO醬炒蝦仁，蟲草花蒸魚，薑蔥龍蝦鉗。
個人覺得鴨肝多士算係較特別，煎得外脆內滑，加左少少黑醋去油膩感，自己夾仲可以唔夾塊多士食。XO醬炒蝦仁超細隻又明顯係雪藏。蟲草花蒸魚我鍾意啲雲耳同蟲草花咋。薑蔥龍蝦鉗較為名貴，不過要自己剝殼，味道可以。
燒羅馬豬肉卷
9 views
0 likes
0 comments
轉角有燒羅馬豬肉卷，好鹹，麻麻。
蝦春卷
12 views
0 likes
0 comments
再轉角有蝦春卷，脆口不過唔夠蝦肉。
另一邊嘅熱食區有韓式人蔘雞湯，台式肉燥小棠菜，清酒煮青口，韓式年糕，薯蓉焗肉醬，鴨腿配紅梅醬汁，肯瓊香料烤雞翼，印度白飯，
印式煮蔬菜，泰式咖哩牛尾。韓式人蔘雞湯麻麻哋，雞肉好韌。
台式肉燥小棠菜可以。清酒煮青口超細隻，又係雪藏貨色。
鴨腿配紅梅醬汁好少少，某啲腿肉算嫩而唔乾。
印式煮蔬菜主要係大大舊紅蘿蔔同薯仔。泰式咖哩牛尾勉強可以，咖哩味不足。
粉麵檔有3款粉麵，貢丸，生菜，番茄，菇菌，豆腐，材料都幾少。湯有牛肉清湯同雞湯。
粉麵檔
10 views
0 likes
0 comments
貢丸好食，蔬菜質素可以。
刺身區
12 views
0 likes
0 comments
刺身壽司區有4款刺身，包括八爪魚，立魚，三文魚，油甘魚。第二輪有吞拿魚。由師傅攞俾你，刺身質素頗差，油甘魚係暗黑既，所以唔洗點排隊。
刺身
10 views
0 likes
0 comments
壽司得兩款卷物，隔離有中華沙律同螺肉。好頹。
隔離係自助飲品，有咖啡，茶同熱水，非常簡漏。
Gelato
8 views
0 likes
0 comments
Gelato由專人筆俾你，有7款口味，包括Earl Grey Tea，Stracciatella，法式焦糖燉蛋，Coconut and Pineapple，Cookie and Cream，雲呢拿，同
Tiramisu。Gelato質素只係勉強可以，唔係特別滑，味道只可以同牛奶公司質素相比，Tiramisu特別難食，Earl Grey，Cookie and cream，Coconut and pineapple，雲呢拿就好啲。
Gelato
4 views
0 likes
0 comments
窩夫筒就真係好薄脆。不過我想講幫你筆雪糕嗰個男性服務員真係好離譜，筆得少少雪糕俾你，都完全fill唔哂個窩夫筒，食到最後變左齋食餅。叫佢畢多啲又唔理你，問佢雪糕咩味又唔應你。好差。
甜品區
8 views
0 likes
0 comments
雪糕櫃隔離就係甜品區，有梛撻，葡撻，Mince pie，同即製窩夫，伴有朱古力醬，士多啤梨醬，花生醬，煉奶俾你加。
梛撻，葡撻，Mince pie，窩夫
6 views
0 likes
0 comments
梛撻可以。葡撻外皮好脆而蛋漿滑溜。Mince pie好有聖誕特色。即製窩夫我食左兩件，一件夠脆另一件就較稔，質素唔穩定。不過有得伴雪糕食都算係咁。
甜品區
6 views
0 likes
0 comments
雪櫃有雲呢拿奶凍，雜果啫喱杯，同藍莓木糠布甸。雲呢拿奶凍好硬。藍莓木糠布甸可以。
甜品區
6 views
0 likes
0 comments
蛋糕有幾款，老實講全部都係頹貨色，同樓下餅店冇得比。有竹炭芒果慕絲蛋糕，朱古力濃味蛋糕，芒果慕絲蛋糕，朱古力蛋糕，奥利奥芝士蛋糕，黑森林蛋糕，低糖芒果梛子慕絲蛋糕，傳統聖誕蛋糕。
朱古力濃味蛋糕，朱古力蛋糕，竹炭芒果慕絲蛋糕，芒果慕絲蛋糕
8 views
0 likes
0 comments
得朱古力濃味蛋糕同朱古力蛋糕較好少少，奥利奥芝士蛋糕就似返少少樓下餅店質素。低糖芒果梛子慕絲蛋糕就果然係清新啲。呢度連紐約芝士餅或者藍莓芝士餅都冇，失望。蛋糕附近有玻璃瓶放各式糖果同曲奇餅。
豆腐花
11 views
0 likes
0 comments
冇中色糖水，得豆腐花。
水果
9 views
0 likes
0 comments
水果有3款切粒，包括菠蘿，西瓜，同哈蜜瓜。質素可以，不過後期係唔添加。
湯有中有西，分別係螺頭舞茸湯同鮮魚濃湯。飲左螺頭舞茸湯，過得去。麵包有好幾款，冇認真睇。
總括而言，食物方面真係無好野食，非常失望，幾年前黎食都無咁差。服務方面，當然有安排聖誕老人派禮物同影相，仲有工作人員主動派氣球比小朋友。雖然都有好服務員，不過好差既服務員都有。價錢係平，但係食物都唔可以差到咁嘛。
Post
