西門町台灣麵食 (Closed)

十多年前來過，今日重遊舊地，餐廳水準依然，果然無令人失望。點了二人套餐，份量十足夠三人食。二人套餐 $238A：招牌拼盤 (另+$30)拼盤包括： 五味山珍色彩繽紛的前菜，由青瓜絲、甘荀絲、木耳絲、札肉絲、寒天絲組成，混入黑白芝麻同麻油，爽口又充滿麻香。 蝦仁玉蘭中卷賣相唔錯，用魷魚圈包住青瓜絲同蝦仁，煙韌爽脆彈牙口感豐富，蘸埋芥末醬好食。 香酥炸蝦餅 炸粉薄薄有香酥口感，啖啖充滿蝦香味。炸芝士丸 炸脆的外表內裡芝士滿滿的。豬軟骨 炆得好軟熟好淋身，而且好入味，醬汁味好夠。B： 鹽酥雞酥脆外層咬落肉質鮮嫩，啖啖肉非常滿足，蘸埋甜酸醬又幾好味。C： 涼拌茄子茄子挺身夾落唔鬆散，口感軟綿綿，淋上特製醬汁好開胃。 D ：肉臊飯（細）、擔擔麵（細）飯面佈滿肉臊，撈勻每羹都有肉臊及醬汁，味道唔會過咸。擔擔面湯底濃郁，入囗少少麻，香濃花生醬味。除肉臊外還有香蔥、花生碎及少許爽脆的榨菜等配料。 自選台式飲品2杯蝶豆花荔枝風情以荔枝椰果配上蝶豆花，甜甜地，顏色鮮豔，打卡一流。 凍香芋雪香香芋味香濃，最頂有一層胚芽，飲落好似香芋奶昔般香滑感覺。 奉送台式甜品擂沙湯圓暖笠笠，外皮有軟糯口感，滿滿芝麻餡，為