吟彩 (Closed)

本來打算媽生日帶她食海鮮大餐，不過得兩個人媽怕唔食得好多，於是我就上網睇下邊度有海鮮2人餐，無意中見到網上介紹「吟彩」的蟹宴，兩位都係約1800，有8道菜，都幾吸引，媽又話想試，咁就book左枱試啦﹗當晚的頭盤是 香箱蟹配土佐酢啫喱，師傅把蟹肉墊底，再放入蟹膏蟹子，最面層配少少酸的土佐醋啫喱，放在蟹殼上，見到都覺得好吸引。另一個前菜係柿子銀杏蟹伴黑魚子芝麻豆腐醬，係用日本的富有柿載著撕好既蟹肉，再伴帶少少豆香的芝麻醬汁，鮮味幾濃郁，連柿肉一起食感覺令人開胃好清新﹗第3道菜是炭燒稻穗日本油蟹腳，侍應介紹時話係用備長碳燒的，蟹肉帶炭火味，伴一束稻穗，粒粒稻穗經烘熱爆開後，增添淡淡的稻香，食個時可加少少檸檬汁，鮮味立刻提升不少﹗之後有天婦羅，吟彩有個獨立的天婦羅區，我地張枱正正對住，可以睇住天婦羅新鮮出爐。跟餐的天婦羅有蟹爪雲丹、蟹味噌、蟹真丈椎茸、野菜。這裡的天婦羅炸漿做得好好，薄薄一層包住蟹肉，外皮香脆，又食到入面材料的鮮味，讚﹗自己覺得最正的是海膽蟹爪，海膽的鮮味永遠都無法抗拒﹗再跟住就係蒸原隻毛蟹，我最喜歡食清蒸蟹，因為鮮味會更突出。毛蟹亦十分大隻，完全足夠2人分享，我同媽食得好滿足