銀龍粉麵茶餐廳 (Closed)

肚餓，最方便就係去茶餐廳醫肚。頌富輕鐵一出行幾步就到銀龍，夜晚10 點幾都未收，即刻心心眼！(收11pm) 酸辣雲南雪菜米線，走辣！雪菜新鮮，與湯底混埋一齊好夠味，未食豬扒已經好滿足！已切件豬扒好方便，唔使自己切但有點失望的是豬扒較"鞋", 除了近骨位置係林d 之外。芙蓉蛋飯，一貫的配菜：叉燒，火腿，雪藏蝦仁，葱。蛋面脆脆o地，蛋心半生熟，恰到好處，食得出的鑊氣！流d 蛋漿出o黎撈飯，好正！各款配菜都唔少，估唔到就收舖，廚師都冇馬虎，抵讚！