蕃滿門 (Closed) View

去奧海城foodcourt食dinner，見到蕃滿門碗麵勁大碗，但都只係幾十蚊,覺得好抵食，所以就簡左佢。最後我叫左個’什錦蕃茄滑蛋濃湯’，即係最大碗個種，乜餸都有，仲可以自己簡麵種，另外仲有5,6種辣度可以簡，非常貼心。師傅ge 效率幾高，等左2,3分鐘就有得食。呢間餐廳以蕃茄做主題，仲話自己ge茄湯不含味精，所以我二話不說就試飲下個湯。Ｄ茄湯好濃味，而且感覺上的確同外面加左味精個Ｄ有D分別，感覺蕃滿門ge係比較fresh D。至於D餸同麵就都唔錯，同普通餐廰差唔多。值得一提再提ge係，碗麵真心大碗，又足料，我都差Ｄ食唔曬，性價比真係一流呀。