Read full review
2014-10-08
1239 views
朋友新居入伙,星期六一伙人浩浩蕩蕩殺入大圍名城House warming。朋友兩公婆係「無飯家庭」,佢太太係「無飯煮婦」,本來以為晚餐係叫PIZZA炸雞果D外賣啦,點知朋友太太話附近有間好正嘅餐廳,係佢嘅飯堂,每次朋友來House warming都係去果度開餐,一定要帶我地去試下咁話喎!由大圍火車站沿路往工廈方向已經望到大大個shocking pink招牌,好搶眼,行大約三四分鐘就到。雖然呢間餐廳在工廈裡面,但一D都唔難搵;餐廳裡面完全唔係工廈飯堂格局,返而裝修得幾有心思同格調,好有私房菜Feel,出面仲有個大露台,大到踩單車都得!可以響度BBQ都幾正!一入到去已經覺得好好招呼,好明顯朋友已經係熟客。佢話訂枱時己預訂左隻招牌葡式燒乳豬,要預訂先有得食喎!我見個MENU中西餐都有,幾特別,侍應哥哥話佢地呢度係中西合壁,西餐同中菜都有,仲可以包場搞PARTY同BBQ添!都係唔講無謂野,睇返食左乜野啦:先來前菜,叫「喜相逢紅三魚」,唔係紅衫魚,而係紅色嘅三文魚,哥哥話呢味招牌紅三魚係佢地自創,出面係食唔到嘅. 果啲紅色係用紅菜頭汁染的,純天然,排到好似朵花咁好靚! 食落甜甜地又有三文魚嘅油香
朋友兩公婆係「無飯家庭」,佢太太係「無飯煮婦」,本來以為晚餐係叫PIZZA炸雞果D外賣啦,點知朋友太太話附近有間好正嘅餐廳,係佢嘅飯堂,每次朋友來House warming都係去果度開餐,一定要帶我地去試下咁話喎!
由大圍火車站沿路往工廈方向已經望到大大個shocking pink招牌,好搶眼,行大約三四分鐘就到。雖然呢間餐廳在工廈裡面,但一D都唔難搵;餐廳裡面完全唔係工廈飯堂格局,返而裝修得幾有心思同格調,好有私房菜Feel,出面仲有個大露台,大到踩單車都得!可以響度BBQ都幾正!
一入到去已經覺得好好招呼,好明顯朋友已經係熟客。佢話訂枱時己預訂左隻招牌葡式燒乳豬,要預訂先有得食喎!我見個MENU中西餐都有,幾特別,侍應哥哥話佢地呢度係中西合壁,西餐同中菜都有,仲可以包場搞PARTY同BBQ添!
都係唔講無謂野,睇返食左乜野啦:
先來前菜,叫「喜相逢紅三魚」,唔係紅衫魚,而係紅色嘅三文魚,哥哥話呢味招牌紅三魚係佢地自創,出面係食唔到嘅. 果啲紅色係用紅菜頭汁染的,純天然,排到好似朵花咁好靚! 食落甜甜地又有三文魚嘅油香,點埋佢地自家製嘅粉紅色醬,果然好特別,幾清新,好味呀! 手拍青瓜,家鄉小食,酸酸地唔辣,好開胃!不過掛住食唔記得影相......
主角葡式燒乳豬出場,中式乳豬食得多,反而好耐無食葡式乳豬喇!哥哥先捧左隻未切嘅乳豬比我地相機食先。嘩!隻豬燒得好靚,齋望都已經覺得卜卜脆!我地8個人都可以分到一人兩大舊,份量一D都唔講得小!乳豬好入味,不會太鹹,無錯葡式乳豬個皮係無中式乳豬的芝蔴皮咁脆,但我覺得呢個都好好味丫!反而我個人鍾意呢種葡式做法嘅豬多啲D,因為啲肉好Juicy好嫩! 個葡式炒飯底又係好味,啲肉汁滲左落啲飯度,唔係跨張,堅係好食! 不過最後係食唔晒隻豬要打包~~ 跟住係豉油皇煎蝦碌,賣相唔錯,蝦亦好新鮮,哥哥話啲海鮮全部都係即日先去買確保新鮮,所以提我地要食海鮮一定要預訂咁話喎! 跟住呢個係叫「小肥咕嚕肉」,用大廚個名命名,好Cute。朋友話係必食推介,哥哥話好多街坊訂枱時都指定要食呢味;心諗有無咁堅先?食落又係幾脆口唔肥膩喎!啲咕嚕肉脹卜卜咁,色水又幾靚嘅,粒粒都掛晒酸甜汁,果然無介紹錯! 最後一樣係菜,我以為係普通椰菜花(我唔係咁鍾意食椰菜花架),原來真名叫福建椰菜花,簡稱福花,哥哥話呢個唔係成日有架。第一次食,竟然比普通椰菜花多汁同清甜,估佢唔到咁好食,我掃左好多呀! 最後係 甜品,唔係個個食,叫左三款:木糠布甸,焦糖燉旦同豆腐慕絲;我食豆腐,好有豆腐味,唔太甜,啱晒我!另外兩款佢地都話好味! 唔知埋單要幾多錢,朋友請, 佢話抵過去巿中心啲 酒樓咁話, 又唔駛同人迫又坐得舒服, 我地個個都食到捧住個肚走。我知道我好快會來encore試呢度嘅西餐,因為我好想試下佢個20安士安格斯呀!!!!
Post