新夏龍灣越南餐廳 (Closed)

同肥髀逛街之後，想早啲食埋晚餐先回家，行過呢間越南餐廳，呢住入去茶餐當晚餐食埋，入去見格局係普通茶餐廳，一啲越南風味都無，坐低睇住下午茶餐牌，唸好就向店內一個阿婆招手，佢埋來劈頭冷淡一句已過了下午茶時間，我睇返餐牌標明時間，我只係過了兩分鐘，仲要我入來你唔講，話比我知下午茶last order?(我去好多餐廳都會提醒客人差不多夠鐘）好！當我過時！肥髀又話肚餓，照叫一碗河粉分享，之後見牆上貼住叫粉麵加錢配飲品！再加個熱檸茶！什錦河粉：一上菜已唔對路，仿蟹柳兩大條，完全唔覺係越南嘢，仿蟹柳加硬幫幫扎肉！扎肉同雞絲無味，豬頸肉好碎，只有洋蔥絲及蔥花，連青檸九層塔葉都無！極無誠意！唯一湯底夠濃味！但咁叫越南河？真係接受唔到！熱檸茶：夠熱茶底濃又唔澀，茶餐廳水準！講真若碗粉係普通茶餐廳叫，我唔會咁失望，一間越南餐廳比啲咁水準我，真係接受唔到！不如改做茶餐廳好過咁樣！阿婆明顯係老板，走時佢收錢愛理不理不睬咁，其他店員無啲咁嘅面口架，其實佢為乜要行出來趕客呢？食完覺得浪費了一餐嘅配額！