Video
Read full review
2011-02-07
6 views
在冬天，煲仔飯癮真的停不了。友人約食飯，問我想食咩，早在早些日子之前傾計，我地已經提過搵日不如食永合成，難得佢肯去搵定位，我又怎會錯過。我其實未食過永合成，主要是店子不做夜市，要食實在有點難度，所以之前做定功課，因為人太多，煲仔飯又準備需時，所以友人已經好醒目地打左黎問我地食乜，落定單。黎到當然係叫窩蛋牛肉煲仔飯，最後變成一檯五個大漢都係一模一樣，獨沽一味。雖然係早叫，但中午時間人真的很多，我地幾個飯等了差不多一小時，真有點懷疑有幾多人可以食超過一小時的中午飯？點解大家都可以若無其事地係度等？可能侍應都習慣左俾人問幾時有得食，其實都見到有人問，但答案千篇一律，所以，坐得底請有心理準備。等了又等，終於有得食。賣相吸引，味道很香，果真名不虛傳。牛肉是碎牛，和滑牛比較又是另一風味；蛋是最後才打落去，是名副其實的窩蛋；豉油在檯面，加多少豐儉由人。碎牛肉感覺貼心，因為撈蛋撈飯後每一啖都可以吃到蛋、牛、飯。飯乾身，夠味道，也有少量飯焦，每一口吃下去都很有咬勁，用焗麵包爐的方法果然有諗頭，聞說想要多點飯焦，可在下單時要求，但我相信時間會更久。當和坤記的炭爐比較，我還是喜歡坤記多一點，主要原因可能是感
友人約食飯，問我想食咩，早在早些日子之前傾計，我地已經提過搵日不如食永合成，難得佢肯去搵定位，我又怎會錯過。
我其實未食過永合成，主要是店子不做夜市，要食實在有點難度，所以之前做定功課，因為人太多，煲仔飯又準備需時，所以友人已經好醒目地打左黎問我地食乜，落定單。黎到當然係叫窩蛋牛肉煲仔飯，最後變成一檯五個大漢都係一模一樣，獨沽一味。
雖然係早叫，但中午時間人真的很多，我地幾個飯等了差不多一小時，真有點懷疑有幾多人可以食超過一小時的中午飯？點解大家都可以若無其事地係度等？
可能侍應都習慣左俾人問幾時有得食，其實都見到有人問，但答案千篇一律，所以，坐得底請有心理準備。
等了又等，終於有得食。賣相吸引，味道很香，果真名不虛傳。牛肉是碎牛，和滑牛比較又是另一風味；蛋是最後才打落去，是名副其實的窩蛋；豉油在檯面，加多少豐儉由人。碎牛肉感覺貼心，因為撈蛋撈飯後每一啖都可以吃到蛋、牛、飯。飯乾身，夠味道，也有少量飯焦，每一口吃下去都很有咬勁，用焗麵包爐的方法果然有諗頭，聞說想要多點飯焦，可在下單時要求，但我相信時間會更久。
當和坤記的炭爐比較，我還是喜歡坤記多一點，主要原因可能是感覺更熱氣，但我還是覺得不錯的。
餐牌上另一金句值得深思，唔知，我個囡第日會唔會帶我周圍去食野呢？「携子來多，携父來少，簷前滴水，何曾見有倒流。」
「大飽易賣，大錢難撈，針鼻削鐵，無非微中取利。」
Post
