Video
Read full review
2010-03-23
30 views
今朝返工收到傳單, 原來下便屏麗徑有間印度餐廳, 成日食茶餐廳食到悶, 未下午試下落去食下. 1:00 就行落去, 我係打磚坪街做野, 其實真係唔多會落去個邊食, 心諗試下都好, 一個午餐都係30, 同茶餐廳差唔多. 入到去, 見都坐得七七八八, 好彩得我自己一個, 坐低睇下餐牌, 見到入面做野除左印度人, 原來重有香港人, 有個女仔行埋黎問我食咩, 我問邊款午餐好, 佢就介紹食咖喱羊肉, 好, 是但啦.等左五分鐘到, 先黎一碟薄餅, 有三塊, 都幾大塊, 另外一碟白飯有d青豆. 跟住上埋咖喱羊, 同埋一罐汽水, 我不嬲細食, 都好似好多野咁我食開重慶個d印度餐, 都差唔多野, 埋單都成日要6-70 蚊, 而家30, 都抵薄餅食落幾脆, 唔錯, 有咬感, 點d咖喱, 唔錯.飯就差唔多, 不過肯定唔係茶餐廳個d人煮囉, 飯都唔識煮, 成日煮到爛一爛, 呢度呢, d飯又煮得幾好, 不過就有少少凍, 可能印度係咁. 我食開個d都係咁.. 可能佢地慣用手, 所以唔同中國人的飯要好熱. 至於個咖喱羊, 完全無咩氈味, 都唔錯, ok, 食下食下, 個女仔重俾本雜誌我睇, 我又唔該喎.我竟然食哂全
1:00 就行落去, 我係打磚坪街做野, 其實真係唔多會落去個邊食, 心諗試下都好, 一個午餐都係30, 同茶餐廳差唔多.
入到去, 見都坐得七七八八, 好彩得我自己一個, 坐低睇下餐牌, 見到入面做野除左印度人, 原來重有香港人, 有個女仔行埋黎問我食咩, 我問邊款午餐好, 佢就介紹食咖喱羊肉, 好, 是但啦.
等左五分鐘到, 先黎一碟薄餅, 有三塊, 都幾大塊, 另外一碟白飯有d青豆. 跟住上埋咖喱羊, 同埋一罐汽水, 我不嬲細食, 都好似好多野咁
我食開重慶個d印度餐, 都差唔多野, 埋單都成日要6-70 蚊, 而家30, 都抵
薄餅食落幾脆, 唔錯, 有咬感, 點d咖喱, 唔錯.
飯就差唔多, 不過肯定唔係茶餐廳個d人煮囉, 飯都唔識煮, 成日煮到爛一爛, 呢度呢, d飯又煮得幾好, 不過就有少少凍, 可能印度係咁. 我食開個d都係咁.. 可能佢地慣用手, 所以唔同中國人的飯要好熱.
至於個咖喱羊, 完全無咩氈味, 都唔錯, ok, 食下食下, 個女仔重俾本雜誌我睇, 我又唔該喎.
我竟然食哂全部野, 唔知係未因為咁, 個老闆重醒左杯印度奶茶., 真係多謝, 我都係第一次幫趁姐, 服務唔錯.
奶茶同茶餐廳唔差得幾多, 不過就無茶餐廳個d咁香濃.
我覺得整體ok, 唔貴, 食到我飽飽.
Post