MX (竹園廣場) (Closed) View

放完個長假返嚟，小秘書好多嘢都要慢慢pick up，不過都好想趕返屋企同屋企人食餐飯傾吓近況😉 因為唔知自己幾點鐘可以放工，所以出門口嘅時候都同媽咪講唔好預我食飯。不過我手腳都幾快嘅，最終七點前都可以返到工🙏🏻 話就話多個人多雙筷啫，媽咪見到臨時多個人食飯，一定又緊張起嚟😅 所以我返屋企之前，先去 #美心MX 買 #半隻豉油雞 加料，咁就唔使媽咪做多嘢啦💪🏻好多時喺 #美心MX 買嘅 #燒味 肉質都比較霉，不過冇得揀之中都好過冇。不過今次隻豉油雞又唔錯喎，師傅調味得好入味，肉質都比較新鮮。連平時有彈無讚嘅媽咪都話唔錯呀😅