Video
Read full review
2019-02-08
1383 views
呢排流感高峰期作病咁，有時中午都好似冇咩食欲咁，行經呢間餐廳，主打原味同自家制蕃茄麵，就入去試一試。餐廳有一大本厚身餐簿，有好多選擇，未能盡錄。小妹係因為口淡淡同為左自家製蕃茄麵而來，最後嗌左個「雞柳湯蕃茄麵」。剩係睇圖都見到個麵舖滿蔬菜，有西芹、椰菜、蕃茄、洋蔥同紅籮蔔粒。下面仲埋藏左好多舊燒過既雞柳。雞柳好嫩滑，層皮燒過香香地咁，好味。個麵個自家製蕃茄麵，蕃茄味唔算濃，不過可能蔬菜麵本身都比較偏淡DD，都幾好既。湯底用左大量蔬菜同蕃茄煲，所以係好香濃既羅宋湯味，開胃又營養!!同事嗌左「滑蛋牛肉湯蕃茄麵」，佢都話唔錯!總括來講，呢間餐廳既野食天然又有營養，平日食得多味精濃味野，間唔中食下呢度既營養湯麵都唔錯架!~
餐廳有一大本厚身餐簿，有好多選擇，未能盡錄。小妹係因為口淡淡同為左自家製蕃茄麵而來，最後嗌左個「雞柳湯蕃茄麵」。
雞柳湯蕃茄麵
$43
175 views
0 likes
0 comments
雞柳好嫩滑，層皮燒過香香地咁，好味。
個麵個自家製蕃茄麵，蕃茄味唔算濃，不過可能蔬菜麵本身都比較偏淡DD，都幾好既。
湯底用左大量蔬菜同蕃茄煲，所以係好香濃既羅宋湯味，開胃又營養!!
同事嗌左「滑蛋牛肉湯蕃茄麵」，佢都話唔錯!
滑蛋牛肉蕃茄麵
$45
87 views
0 likes
0 comments
總括來講，呢間餐廳既野食天然又有營養，平日食得多味精濃味野，間唔中食下呢度既營養湯麵都唔錯架!~
Post
