Video
Read full review
2016-06-27
1303 views
今日嚟到三姐私房菜 ,聽到私房菜三個字我會聯想到係比較中式嘅住家菜。 來到大門口前，的確係有幾分中國嘅味道。餐廳裏面面積還大有幾張大圓枱我諗佢哋嘅主要客人都係一家大細/ 一大班人食私房菜， 當然都有四人抬。我訂了七點半兩位， 呢度嘅菜單係分辨有二人餐、四人餐、6至10人餐等等。。 而我問服務員，佢哋嘅餐牌會定時去更新。我揀左一個二人餐，留意到佢哋嘅菜式入面嘅配搭係中西合璧， 有啲驚喜， 而且佢哋用嘅材料都非常之健康，佢哋好似好著重食物嘅質素同埋客人嘅健康。首先嚟咗一個西式嘅沙律，上面有類似日本嘅 芝麻沙律醬，好清新。之後前菜仲有秋葵同埋雲耳， 可見食材健康。 之後來咗個哈密瓜響螺黑毛豚肉湯，材料足料 ，配搭非常特別，我第一次飲呢一種湯。同我們一般飲到嘅南瓜瘦肉湯有點接近但這個格外甘甜。 味道唔會太濃，不會太清淡，係 剛剛好，哈密瓜比冬瓜還要甜。之後黎左兩個外表非常精美嘅兩道菜， 都係之前係網上介紹嘅招牌菜:1.茶葉燻蛋茄子真係令到我好深刻，我最鍾意佢哋自己調配嘅汁， 我同友人都差一點"點"曬啲汁。 見到汁入面有好少好少嘅辣椒同芫茜， 同埋我諗有少少好似日本燒汁嘅汁。總之呢個如果下次嚟都
餐廳裏面面積還大有幾張大圓枱我諗佢哋嘅主要客人都係一家大細/ 一大班人食私房菜， 當然都有四人抬。
我訂了七點半兩位， 呢度嘅菜單係分辨有二人餐、四人餐、6至10人餐等等。。 而我問服務員，佢哋嘅餐牌會定時去更新。
我揀左一個二人餐，留意到佢哋嘅菜式入面嘅配搭係中西合璧， 有啲驚喜， 而且佢哋用嘅材料都非常之健康，佢哋好似好著重食物嘅質素同埋客人嘅健康。
首先嚟咗一個西式嘅沙律，上面有類似日本嘅 芝麻沙律醬，好清新。之後前菜仲有秋葵同埋雲耳， 可見食材健康。
之後來咗個哈密瓜響螺黑毛豚肉湯，材料足料 ，配搭非常特別，我第一次飲呢一種湯。同我們一般飲到嘅南瓜瘦肉湯有點接近但這個格外甘甜。 味道唔會太濃，不會太清淡，係 剛剛好，哈密瓜比冬瓜還要甜。之後黎左兩個外表非常精美嘅兩道菜， 都係之前係網上介紹嘅招牌菜:
1.茶葉燻蛋茄子真係令到我好深刻，我最鍾意佢哋自己調配嘅汁， 我同友人都差一點"點"曬啲汁。 見到汁入面有好少好少嘅辣椒同芫茜， 同埋我諗有少少好似日本燒汁嘅汁。總之呢個如果下次嚟都會必食。
2. 清酒鮑魚
都係非常之精美好感非常之彈牙可口， 味道有清香嘅清酒味道。但由於本人食左剛剛比較濃味嘅蛋茄子之後， 覺得呢個鮑魚真係比較清淡， 所以要提提如果要食，一定要食咗鮑魚先。
接著係個好清淡嘅菜式， 只看外表唔會覺得又有驚喜 。上面有一隻大蝦，食落非常之彈牙。 我形容佢為 "玻璃蝦"，因為佢外表晶瑩通透 食落非常之爽口，有大酒樓嘅水準一點無誇張。 而在下面嘅蛋白蒸得非常香滑，上面一層黃色嘅汁又係佢哋獨特嘅配汁，我食到有少少合桃嘅味道，但實際上係什麼下次真係要問下。
之後有個肉叫做士多啤梨黑豚肉
味道特別，外表有啲似咕嚕肉，但呢個真係有士多啤梨味道，而內更有陳皮味。味道出奇 地夾， 送飯一流。最後一個荷葉蒸飯，上面鋪咗魚片，魚非常之鮮甜，分量又多。而飯係用雙色米，非常之健康，口感偏軟身。 食到呢一道菜兩人已經好飽。
最後最後嚟咗甜品-炸薯波同埋雪糕 (雪糕有得揀味道， 揀左朱古力同埋曲奇)。 炸薯波薯波好好食,外脆內軟,仲熱辣辣而且又油膩，炸得好乾身非常鍾意食。
總括嚟講我覺得呢度係一個幾好嘅食飯地方。如果放工又唔想煮又想食健康嘅菜式，呢度係一個唔錯既選擇。Post
