馬來一菜館

Open Now

Now Closed

馬來西亞菜之中，badboy最鍾意食叻沙😋不過都好少會去馬來西亞餐廳食嘢，睇住個Menu，發現有d都唔知係咩嚟😂-🍞咖央多士$48個多士烘得唔錯嘅，不過都未夠香脆，而內餡係滿滿嘅班蘭椰子醬，badboy係第一次食，稍為嫌佢太甜，但未食過嘅值得一試嘅。-🍗馬來炸雞(5件)$108肉食badboy點少得叫碟肉食，未食過馬來版嘅炸雞於是好奇叫咗。但同想像中都幾唔同，唔似係「炸」，但外層又的確同非炸式嘅雞有所不同。但叫得炸雞都係想食外層卜卜脆皮嘅口感，所以難免有少少失望。但佢d雞唔會鞋口，-🥢檳城炒貴刁$128老實講我唔係幾知檳城版同港版嘅炒貴刁有咩分別😂多咗蠟腸？但badboy食落就覺得係同一款嘢。幾好食而唔會太油淋淋，比起茶餐廳食會感覺「健康d」。-餐廳係喺酒店樓下，舖面都幾大，座位唔會迫。