Read full review
2023-04-01
715 views
侍應只顧大聲互相溝通，毫不理會客人。愈嚟愈過分，嘈過街市。入店無人彩你係正常。坐低叫嘢食，佢地可以係你側近行過扮睇唔到，同送貨嗰個邊行邊大聲講笑都得，仲要兩個侍應都係咁，被無視了。究竟係佢係客定係我係客？更驚人的，見到有坐在外邊的客人，自己行入嚟cashier 落order，話自己座邊張枱。嘩! 佢遲過我坐低㗎! 乜原來呢度潛規則係要自己行去cashier 落 order 㗎？幾時改咗我唔知啊？樓下嗰間，不嬲係cashier 落單嘅，叫做十分正常。呢間呢？個客自己去cashier 落單叫咩？叫失職。下次使唔洗自己去攞餐啊？餐廳是客人食飯嘅地方，唔係侍應互相嘻笑嘅俱樂部，我入嚟唔想聽你地互相大叫嘻嘻哈哈，成何體統？毫無紀律。另外，店內煙味極濃，戶外座位的煙味透過有縫隙的落地玻璃全吹入室內，跟坐在隔離冇分別。呢個係先天問題，餐廳位置於戶外，根本全透風，Ok fine，以前我食完就走。而家？你話呢？我係本區客，知道呢間野不嬲有熟客，因為佢係唯一可以在店吸煙的餐廳。但都唔可以放任到呢個程度。反映在無競爭下，管理層無心做好個品牌。
餐廳是客人食飯嘅地方，唔係侍應互相嘻笑嘅俱樂部，我入嚟唔想聽你地互相大叫嘻嘻哈哈，成何體統？毫無紀律。
另外，店內煙味極濃，戶外座位的煙味透過有縫隙的落地玻璃全吹入室內，跟坐在隔離冇分別。呢個係先天問題，餐廳位置於戶外，根本全透風，Ok fine，以前我食完就走。而家？你話呢？
我係本區客，知道呢間野不嬲有熟客，因為佢係唯一可以在店吸煙的餐廳。但都唔可以放任到呢個程度。反映在無競爭下，管理層無心做好個品牌。
Post