Café Crêpe (Wellington Street)

Open Now

Now Closed

今次嚟到中環搵食，經過呢間來自加拿大嘅法式可麗餅專門店，起門口見到師傅喺度製作法式可麗餅好似好好食咁，俾佢吸引咗入去來個浪漫既法式晚餐💖佢喺香港有三間分店，之前喺尖沙咀食過甜既可麗餅，印象好好食，今次我地想試個鹹嘅，我哋揀左兩個dinner set是日餐湯餐湯用咗好多西蘭花去煮，好濃郁嘅西蘭花味，味道幾清新，再加入咗好多忌廉，好棉滑，幾特別既一款湯品！沙律小食新鮮既火箭菜再配埋洋蔥🧅士多啤梨🍓藍莓🫐和大量黑醋，好清新好健康，係個好開胃既前菜！香煎三文魚 $278三文魚煎得岩岩好，皮脆肉嫩，好好食😋！三文魚魚肉好爽滑同埋好新鮮，入口即溶，點埋個牛油汁好正！唔會好Heavy！油封鴨配格魯耶爾芝士 $198呢個可麗餅配搭好驚喜，冇諗過鹹食嘅可麗餅都咁好食！油封鴨燉得啱啱好好嫩滑，個餅底都好好食薄得來好奶滑，蛋香味好濃，配埋個鴨肉和鹹香既芝士令個口感煙煙韌韌，好好味😋好難忘既味道！latte ☕️個咖啡好好飲！因為師傅落咗好多奶（半杯奶）令到成個咖啡個奶香味好濃烈好滑口，咖啡豆個豆味都好易入口，作為最後一個菜式絕對完美嘅句號。