Video
Read full review
2023-06-09
1189 views
鐘意食越南法包嘅，一定唔會唔識佐敦添記！目前係本人喺香港食過最好食嘅越式法包，係真材實料嘅老字號！🤩添記法包屹立喺渡船街40幾年，喺佢身上真係見到日本人嗰種「一生懸命」嘅理念，同佢傾計先知原來佢係第4手接班人，老闆話以前渡船街有好多越南華僑聚居，因為以前渡船街一帶有海，方便佢地運舊電器返越南家鄉賣，但填左海之後好多都搬走左大角咀一頭，所以嗰邊都有唔少越南野食😋先講包身，呢度嘅法包咬落勁鬆軟新鮮，最怕食硬過石頭嘅法包！呢度真係有去左歐洲食包咁出色嘅口感😂老闆嘅小貼士係噴左水先放入爐🥹啲包就係由法國人整，每朝由廠送黎的，一直送左幾十年，好神奇嘅關係，搞到我都好想拜訪呢個麵包大師🥹 整過麵包就知親手整包嘅人嗰份耐性心機係要幾多先有咁嘅口感，遇到可以立即結婚！😂 餡料方面，添記嘅越南法包同出面唔同，無得揀餡料，只賣一款口味，入面有4種肉：扎肉、豬手、腩肉，仲有精髓：豬潤醬同酸蘿蔔絲！🤩 想講越式法包嘅靈魂係絕對唔可以無左豬潤醬同酸蘿蔔！否則就變左普通雞肉包，豬扒包咁，而呢度酸度都調得岩岩好！☺️舖頭嘅越式法包得size 分🔸大法包$86 （注意大係大到半隻手臂咁長嘅原條size💪🏻可以分做3份）
添記法包屹立喺渡船街40幾年，喺佢身上真係見到日本人嗰種「一生懸命」嘅理念，同佢傾計先知原來佢係第4手接班人，老闆話以前渡船街有好多越南華僑聚居，因為以前渡船街一帶有海，方便佢地運舊電器返越南家鄉賣，但填左海之後好多都搬走左大角咀一頭，所以嗰邊都有唔少越南野食😋
先講包身，呢度嘅法包咬落勁鬆軟新鮮，最怕食硬過石頭嘅法包！呢度真係有去左歐洲食包咁出色嘅口感😂老闆嘅小貼士係噴左水先放入爐🥹啲包就係由法國人整，每朝由廠送黎的，一直送左幾十年，好神奇嘅關係，搞到我都好想拜訪呢個麵包大師🥹 整過麵包就知親手整包嘅人嗰份耐性心機係要幾多先有咁嘅口感，遇到可以立即結婚！😂
餡料方面，添記嘅越南法包同出面唔同，無得揀餡料，只賣一款口味，入面有4種肉：扎肉、豬手、腩肉，仲有精髓：豬潤醬同酸蘿蔔絲！🤩 想講越式法包嘅靈魂係絕對唔可以無左豬潤醬同酸蘿蔔！否則就變左普通雞肉包，豬扒包咁，而呢度酸度都調得岩岩好！☺️
舖頭嘅越式法包得size 分
🔸大法包$86
（注意大係大到半隻手臂咁長嘅原條size💪🏻可以分做3份）
🔸細法包 $44
一個人我揀細法包，但份量都唔細！食落好有口感層次，老闆連擺餡料落包嘅次序都有講究！🥹好欣賞呢位叔叔，如果鐘意食辣嘅其實係有隱藏menu 可以加辣椒🌶️
🔸蒜茸包$11
鎮店之寶第二樣就係蒜蓉包，size 其實就係原條法包開4份，老闆係預先調好mix 左蒜茸嘅牛油，厚厚咁搽上去再焗，又脆又香真係不得了！雖然超肥😂
舖頭食可以食埋人情味同懷舊風味，老闆好樂意同你傾下舊史，岩曬八卦又鐘意聽故仔嘅我😆佢啲秘製魚露聽講蔡瀾勁推，酒樽咁大支嘅，但我未買過，歡迎買過嘅分享下！🤪
食物：🌟🌟🌟🌟🌟
親切感：💯
蒜蓉包
$11
53 views
0 likes
0 comments
小法包
$44
54 views
0 likes
0 comments
Post
