Video
Read full review
2024-05-10
64 views
元朗不嬲都多唔同嘅小店，今次就發掘咗一間純白行休閒風嘅Cafe。餐廳座位雖然唔多，但其簡約風格令人好舒服，係到同朋友傾偈食吓嘢好放鬆。最想讚嘅係呢度可以感受到店主同店員好用心亦都好有禮貌，俾我感覺好warm。講返食物，今次我哋就嗌咗兩份主菜，兩杯飲品同埋一個是日蛋糕。🥑牛油果慢煮雞胸肉沙律配檸檬山葵油醋汁🥗我幾鍾意個沙律dressing，酸味中帶少少山葵嘅後勁，令普通嘅沙律昇華咗。雞胸肉有調味亦唔嚡口，配上自家製嘅沙律汁，好清新開胃。除咗沙律菜，亦都配有牛油果、藍莓同麵包粒，令到口感豐富。🦀日式蟹膏松葉蟹肉忌廉意大利麵🍝蟹肉份量一啲都唔少，同埋都保留到蟹肉嘅鮮甜味。意粉質地煮得啱啱好，夠晒彈牙。而蟹膏醬忌廉汁好掛身，食每一啖麵嘅時候都感受到佢嘅濃郁。另外亦都加咗三文魚子、蘆筍、洋蔥，令成個味道更加之平衡。Ice Americano ☕️ •Crunchy Caramel Latte 🍪凍咖啡就正常發揮，有咖啡香氣。而另外一杯就好特別，面頭上有焦糖脆脆，勁好打卡。配搭埋latte，口感好好之餘，味道亦都唔錯，好推介。檸檬茶芝士蛋糕 🍰 今日嘅是日精選蛋糕就有檸檬茶芝士蛋糕，面頭上有一層檸檬
餐廳座位雖然唔多，但其簡約風格令人好舒服，係到同朋友傾偈食吓嘢好放鬆。最想讚嘅係呢度可以感受到店主同店員好用心亦都好有禮貌，俾我感覺好warm。
講返食物，今次我哋就嗌咗兩份主菜，兩杯飲品同埋一個是日蛋糕。
🥑牛油果慢煮雞胸肉沙律配檸檬山葵油醋汁🥗
我幾鍾意個沙律dressing，酸味中帶少少山葵嘅後勁，令普通嘅沙律昇華咗。雞胸肉有調味亦唔嚡口，配上自家製嘅沙律汁，好清新開胃。除咗沙律菜，亦都配有牛油果、藍莓同麵包粒，令到口感豐富。
🦀日式蟹膏松葉蟹肉忌廉意大利麵🍝
蟹肉份量一啲都唔少，同埋都保留到蟹肉嘅鮮甜味。意粉質地煮得啱啱好，夠晒彈牙。而蟹膏醬忌廉汁好掛身，食每一啖麵嘅時候都感受到佢嘅濃郁。另外亦都加咗三文魚子、蘆筍、洋蔥，令成個味道更加之平衡。
Ice Americano ☕️ •Crunchy Caramel Latte 🍪
凍咖啡就正常發揮，有咖啡香氣。而另外一杯就好特別，面頭上有焦糖脆脆，勁好打卡。配搭埋latte，口感好好之餘，味道亦都唔錯，好推介。
檸檬茶芝士蛋糕 🍰
今日嘅是日精選蛋糕就有檸檬茶芝士蛋糕，面頭上有一層檸檬茶做嘅果凍面。好特別，第一次食有檸檬茶做主題嘅芝士蛋糕，冇諗過配搭起上嚟都咁夾，而芝士味好濃郁同好滑身而餅底亦都做到好牛油香，整體好味。
今餐真係食得好滿足，冇諗過呢間小店除咗坐得舒服之外，喺嘢食方面都用咗好多心思，下次經過都會想再嚟呢度翻桌。
Post
