Deli and Wine (Closed)

尖沙咀食嘢貴，尤其係旅遊景點，仲要喺海邊，真係食咩都貴⋯⋯Shopping行到腳痛、海邊慢步曬到出汗嘅時候，嚟Deli and Wine坐吓、飲吓嘢、休息吓就最好不過！店內有免費飲用水自取，衰啲講句，真係有人可以唔要面到入去拎杯水就坐住涼冷氣，如果你面皮夠厚都可以咁做，冇人會趕你走。不過嚟得我都見議大家叫返少少嘢食，因為真係唔貴，而且都幾好味😋哩個芝士牛肉漢堡入面塊牛肉細左啲，不過幾香牛肉味，中間仲夾咗生菜同蕃茄，食落健康又唔會口乾。薯條粗身，上面灑上辣味香料，有啲似Shake Shake薯條，味道唔太濃，唔會搶走薯仔嘅味道。店內有兩個雞飯，一個30幾蚊雞扒飯，一個60幾蚊咖哩雞飯，我唔知有幾大分別，但想食咖哩，就叫咗哩個貴一倍嘅飯嚟食喇。一嚟到就見到面頭滿滿炸蒜，I like it👍🏻咖哩加入洋蔥同蕃茄等材料煮成，酸酸地又夠香夠惹味，真係好好食，推介！！！之後我見到隔離叫咗30幾蚊嘅雞扒飯，我終於知道有咩對比。碟嘢一眼望去係幾大碟嘅，但就有啲茶餐廳風格，淨係個碟都輸晒，雞扒都睇落似煮好咗好耐，翻熱到淋晒，配菜都似家庭式西餐配菜，雜菜一堆亂放，望落去真係只值30幾😂所以話，唔好貪平，不