Video
Read full review
2018-11-28
1153 views
今日放工同埋同事去附近睇下有咩食啦，見到一間平時午市好多人食既漢堡店🍔，今日竟然唔駛等，咁就當然去試試啦，呢間漢堡包店個裝修格局都好美式。入到去個侍應即時安排位置同介紹餐牌既食物，服務幾好。見到佢地既漢堡口味都好多元化，侍應話最多人食既係經典漢堡，但見其他款式都好吸引囉...有雙層芝士🧀、雞肉🐔、豬肉🐖、有spicy既🌶，真係搞到我有選擇困難...但見到原來呢度連食素既顧客都照顧到，佢有個叫做清新素漢堡，都算幾窩心♥️。點知侍應話呢期仲有個新口味推出，就係軟殼蟹🦀漢堡。嘩~~ 我同事最愛食熱氣野，所以諗都唔諗就點呢個...最後我就要個經典漢堡🍔。佢個軟殼蟹漢堡原來仲有個幼薯條跟餐送，而我呢因為無，所以侍應都即時介紹左呢度好出名既薯條🍟，係用鴨油炸既薯角，好多人都必點，咁去得呢到當然唔放過啦，另外我地就點多一款火熱雞槌（大）🍗，加多兩罐汽水，兩個人食應該好夠啦...係等緊既途中聽住音樂傾下計真係無得頂，不過俾我留意到原本呢度係間米芝蓮推介既餐廳😲😲，唔怪之得成個環境都好舒服啦~ 等左一陣間就已經有香噴噴既美食送到啦，漢堡包再配埋薯條呢一個組合，呢基本上已經無得頂，加上佢用木盤襯底，有的vi
今日放工同埋同事去附近睇下有咩食啦，見到一間平時午市好多人食既漢堡店🍔，今日竟然唔駛等，咁就當然去試試啦，呢間漢堡包店個裝修格局都好美式。入到去個侍應即時安排位置同介紹餐牌既食物，服務幾好。
見到佢地既漢堡口味都好多元化，侍應話最多人食既係經典漢堡，但見其他款式都好吸引囉...有雙層芝士🧀、雞肉🐔、豬肉🐖、有spicy既🌶，真係搞到我有選擇困難...但見到原來呢度連食素既顧客都照顧到，佢有個叫做清新素漢堡，都算幾窩心♥️。點知侍應話呢期仲有個新口味推出，就係軟殼蟹🦀漢堡。嘩~~ 我同事最愛食熱氣野，所以諗都唔諗就點呢個...最後我就要個經典漢堡🍔。
佢個軟殼蟹漢堡原來仲有個幼薯條跟餐送，而我呢因為無，所以侍應都即時介紹左呢度好出名既薯條🍟，係用鴨油炸既薯角，好多人都必點，咁去得呢到當然唔放過啦，另外我地就點多一款火熱雞槌（大）🍗，加多兩罐汽水，兩個人食應該好夠啦...係等緊既途中聽住音樂傾下計真係無得頂，不過俾我留意到原本呢度係間米芝蓮推介既餐廳😲😲，唔怪之得成個環境都好舒服啦~
等左一陣間就已經有香噴噴既美食送到啦，漢堡包再配埋薯條呢一個組合，呢基本上已經無得頂，加上佢用木盤襯底，有的vintage既感覺，未食已經口水流啦。不過當然要相機食先啦~ 轉個頭黎埋個雞槌，我地就開餐啦~ 🍴
新加坡香辣軟殼蟹堡
$120
66 views
0 likes
0 comments
男同事個款軟殼蟹漢堡都好大份，仲好有新加坡特色，入面有的椒絲🌶賣相都好靚，另外配埋個特製既辣蟹醬，睇見又惹味又開胃。我都切左少少食... 個軟殼蟹係即叫即炸，真正做到外脆內軟，加埋個醬食口感好豐富。另外旁邊既幼薯條都唔算幼，而且食落仲有好香既薯味，入口熱辣辣真係好正。
經典漢堡
$120
76 views
0 likes
0 comments
而我自己呢個經典既漢堡都唔簡單，入面既配料都好多，有牛肉之餘，有塊番茄、煙肉塊、生菜、芝士，淨係個賣相份量都已經好巨型啦。食個時真係一口都咬唔晒，佢份牛肉好厚好有肉汁，加埋的配菜食真係唔會太過濟。不過佢另一個主角就係旁邊既用鴨油炸既薯角啦，薯角炸得金黃色，而且佢既香味真係濃過普通薯條好多，當然又係即叫即炸，食落勁脆口同埋真係有個種甘香既味道，好好食。
火熱雞鎚
$88
46 views
0 likes
0 comments
最後到個份雞槌啦，因為我地叫左個大份量既，所以都係要靠個同事食多的。個雞槌個皮好脆，的肉都有好多肉汁，唔會炸到乾晒，另外配埋佢呢個藍芝士醬食，食落就唔會咁熱氣，佢整體既味道都好平均，真係好好食啊。
其後同個侍應傾多兩句，原來佢話個漢堡都可以自選配料，如果想豐富的都可以按照佢餐牌個的配料咁加，真係要幾大有幾大...。
食完埋單呢餐每人$200，我就覺得好抵啦，環境加上味道，整件事都好配合，係中環呢到旺中帶靜既地方，呢間餐廳下次要再幫襯啊。同埋幾個朋友一齊傾下偈飲下酒，呢間米芝蓮絕對係一個好選擇。
Post
