Video
Read full review
2019-04-18
482 views
今日下午由老細帶領去上環食某位同事嘅散水飯，又係老細請 (但好似唔記得咗多謝佢!) ，由老細介紹同訂枱，去左中上環食URA。之前有響樓下經過時見到佢嘅「看板」介紹午餐，但就未上去食過，價錢大約係由百零至二百零蚊左右，算係中上價嘅日本餐廳啦。由於係訂枱，所以唔駛等位，一去到即刻入座。環境係哩個吧 + 壽司(我估係壽司吧，因為我見啲魚生飯係響哩度做起嘅) 佈置得幾靚噃。(不過老細話佢上次自己嚟食就要等，仲要只係坐吧枱；今次就咁睇只係坐在一半。)午餐餐牌係套餐，都主要係刺生丼同和食定食，以往去食日本菜大部分時間都會揀食魚生，但由於尋晚打邊爐實在太飽，到今朝都未食得嘢，唔係好想食魚生，所以"居然"揀左烤腹肉牛排牛舌定食 ($198) 。(前菜): 先來係前菜，精緻。個蒸蛋怪怪地，水得黎又無咩蛋味，左上角有兩位"釀肉" (其中一件似炸魚蛋、另一件係釀茄子) 我食嘢食得少，所以唔知佢叫咩名，味道其實唔錯；個家常薯仔沙律，幾好食。(主菜): 烤腹肉牛排牛舌定食: 牛舌認真有少少硬，腹肉牛排片嘅牛肉味幾濃，總括而言係好食嘅，雖然可以熱啲。麵豉湯唔錯，偏醎，加左大量洋葱，不過因為煮林哂，無左嗰陣好勁嘅洋
由於係訂枱，所以唔駛等位，一去到即刻入座。環境係哩個吧 + 壽司(我估係壽司吧，因為我見啲魚生飯係響哩度做起嘅) 佈置得幾靚噃。(不過老細話佢上次自己嚟食就要等，仲要只係坐吧枱；今次就咁睇只係坐在一半。)
午餐餐牌係套餐，都主要係刺生丼同和食定食，以往去食日本菜大部分時間都會揀食魚生，但由於尋晚打邊爐實在太飽，到今朝都未食得嘢，唔係好想食魚生，所以"居然"揀左烤腹肉牛排牛舌定食 ($198) 。
(前菜): 先來係前菜，精緻。個蒸蛋怪怪地，水得黎又無咩蛋味，左上角有兩位"釀肉" (其中一件似炸魚蛋、另一件係釀茄子) 我食嘢食得少，所以唔知佢叫咩名，味道其實唔錯；個家常薯仔沙律，幾好食。
(主菜): 烤腹肉牛排牛舌定食: 牛舌認真有少少硬，腹肉牛排片嘅牛肉味幾濃，總括而言係好食嘅，雖然可以熱啲。麵豉湯唔錯，偏醎，加左大量洋葱，不過因為煮林哂，無左嗰陣好勁嘅洋葱味，都好味；個白米飯... 唔係好似珍珠米...散散地，無咩黏性。
雖然唔係我食，但就影左同事嗰個 deluxe chirashi，佢話新鮮好食，好足料，不過好滯喎。
最後每個定食都會跟一杯 “辻利茶舖” 熱綠茶，清清地消滯唔錯。
平均而言質素係唔錯嘅，勝價比一般啦，不過以中上環黎講，算係中上嘅質素。
Post
